കൊല്ലങ്കോട്

കിരാത്തൂര്‍- പാലവിള

2010-12-30T19:19:00.000+04:00

കൊല്ലങ്കോട് - ഏഴുദേശം ഗ്രാമ അതിര്‍ത്തിയില്‍ സ്ഥിതി ചെയ്യുന്ന രണ്ടു പ്രദേശങ്ങളാണ് കിരാത്തൂര്‍, പാലവിള എന്നിവ.നാടാര്‍ ,നായര്‍ സമുദായങ്ങള്‍ക്ക് മുന്‍തൂക്കമുള്ള ഈ പ്രദേശം കൊല്ലങ്കോട്ടിലെ മറ്റു പ്രദേശങ്ങളെ പോലെ തന്നെ പ്രകൃതി രമണീയമാണ്. ക്രിസ്തീയ,ഹൈന്ദവ മതത്തില്‍ പെട്ടവരാണ് ഈ മേഖലയില്‍ വസിക്കുന്നവരില്‍ അധികവും.

അനേകം വിദ്യാഭ്യാസ സ്ഥാപങ്ങള്‍ ഇവിടെ സ്ഥിതി ചെയ്യുന്നു, ഇതില്‍ ഏറ്റവും പ്രധാനപ്പെട്ടത് കിരത്തൂരിലുള്ള മാര്‍ ക്രിസോസ്ടോം കോളേജ് ഓഫ് എടുകേഷന്‍ ആണ്.ഇവിടെ BEd കോഴ്സ് മാത്രമാണ് ഇപ്പോള്‍ നടക്കുന്നത്. കൊല്ലങ്കോട്ടിലെ കോളേജ് നിലവാരത്തിലുള്ള വിദ്യാഭ്യാസം ലഭിക്കുന്ന ഏക സ്ഥാപനവും ഇത് തന്നെയാണ്.
ഇത് കൂടാതെ മാര്‍ ഗ്രിഗോറിയസ് ഹയര്‍ സെക്കന്ററി സ്കൂള്‍ ഇവിടെയാണ് സ്ഥിതി ചെയ്യുന്നത് . ഉന്നത നിലവാരത്തിലുള്ള കൊഇല്ലന്കൊട്ടിലെ വിദ്യാലയങ്ങളില്‍ ഒന്നാണിത് . പാലവിളയില്‍ സ്ഥിതി ചെയ്യുന്ന മറ്റൊരു BEd കോളേജും ഇവിടത്തെ വിദ്യാഭ്യാസ മേഖലയ്ക്കു മുതല്‍കൂട്ടാണ് .

ഏഴു ദേശം - കൊല്ലങ്കോട് അതിര്‍ത്തിയില്‍ സ്ഥിതി ചെയ്യുന്ന മനോഹരമായ അമ്പലക്കുളം കിരത്തൂരിലെ മനോഹരമായ ഒരു ദൃശ്യാ വിരുന്നു തന്നെ യാണ് .ഇതിനടുത്തായി ശ്രീ മുത്താരംമന്‍ ക്ഷേത്രം സ്ഥിതി ചെയ്യുന്നു.ഇത് കൂടാതെ ഇവിടങ്ങളിലെ നായര്‍ തറവാടുകളില്‍ അനേകം കുടുംബ ക്ഷേത്രങ്ങളും കാണപ്പെടുന്നു.ഇത് കൂടാതെ പ്രശസ്തമായ ഒരു ചര്‍ച്ചും ഇവിടെ സ്ഥിതി ചെയ്യുന്നു

കൊല്ലങ്കോട്ടിലെ മറ്റു പ്രദേശങ്ങളില്‍ നിന്ന് വ്യത്യസ്തമായി അല്പം നിശബ്ദമായ അന്തരീക്ഷം ഇവിടെ കാണാം . നിദ്രവിളയാണ് ഇതിനടുത്തുള്ള പ്രധാന വാണിജ്യ കേന്ദ്രം . വിശാലമായ നെല്‍ പാടങ്ങളും, തെങ്ങിന്‍ തോപ്പുകളും ഈ പ്രദേശത്തിന്റെ ഗ്രാമീണ മുഖ മുദ്രകളാണ് .കൃഷി തന്നെയാണ് ഇവിടത്തെ പ്രധാന വരുമാന സ്രോതസ്സ് .

രാഷ്ട്രീയ പരമായി ഡി.എം .കെ, സി .പി .എം ,ബി .ജെ .പി , എന്നീ പാര്‍ടികള്‍ക്ക് കാര്യമായ സ്വാധീനമുള്ള പ്രദേശമാണിത് .

നീരോടി

2010-07-23T11:51:00.000+04:00

കൊല്ലങ്കോട്ടില്‍ തെക്ക് പടിഞ്ഞാറ് ഭാഗത്തായി സ്ഥിതി ചെയ്യുന്ന കടലോര പ്രദേശമാണ് നീരോടി . തമിഴ് നാട്ടിന്റെ കേരള അതിര്‍ത്തിയോട് സ്ഥിതി ചെയ്യുന്ന ഏറ്റവും അവസാനത്തെ പ്രദേശമാണിത് . നീരോടിയോടു ചേര്‍ന്നുള്ള തെക്കേ കൊല്ലങ്കോട് തിരുവനന്തപുരം ജില്ലയുടെ ഭാഗമാണ് . തീര പ്രദേശത്തിന്റെ സൌന്ദര്യം കൊണ്ട് അനുഗ്രഹീതമായ ഒരു പ്രദേശം ആണിത് . ഇതിനടുത്താണ് പോഴിയൂരിലെ കടലും കായലും ചേരുന്ന പൊഴി മുഖം സ്ഥിതി ചെയ്യുന്നത് . അത് കൊണ്ട് തന്നെ ടൂറിസം വളര്‍ന്നു വരുന്ന ഒരു പ്രദേശമാണിത് .

കടല്‍ കരയില്‍ നിന്നും മാറിയത് എന്ന അര്‍ത്ഥത്തില്‍ 'നീര് ഓടി' എന്ന ചൊല്ലില്‍ നിന്നാണ് നീരോടി എന്ന സ്ഥല നാമം ഉണ്ടായതു എന്നാണ് പറഞ്ഞു കേള്‍ക്കുന്നത് . ആധികാരികമായ ഒരു രേഖയും ഈ പരാമര്‍ശത്തിന് പിന്നില്‍ ഇല്ല . തെക്കന്‍ കേരളത്തിലെ മറ്റു തീര പ്രദേശങ്ങളെ പോലെ തന്നെ ഇതും ഒരു ക്രിസ്തീയന്‍ ഭൂരിപക്ഷ മേഖല ആണ് . പോര്‍ച്ചുഗീസുകാരുടെ ഇന്ത്യന്‍ അധിപത്യത്തോടെ തന്നെ ഈ പ്രദേശം ക്രിസ്തീയവല്‍ക്കരിക്കാന്‍ തുടങ്ങി .പിന്നീട് സെന്റ്‌.സേവിയര്‍ നടത്തിയ മത പരിവര്തനം ഈ പ്രദേശത്തെ സമ്പൂര്‍ണ്ണമായി ക്രിസ്തീയ വല്ക്കരിക്ക പെട്ടു എന്ന് തന്നെ പറയാം .
മത്സ്യ ബന്ധനം തന്നെ യാണ് ഇവിടത്തെ പ്രധാന വരുമാന മാര്‍ഗ്ഗം . മത്സ്യ ബന്ധനവും അതുമായി ബന്ധപ്പെട്ട തൊഴിലുകളുമായി ബന്ധപെട്ടു തന്നെയാണ് ഇവിടത്തെ മുഴുവന്‍ ജനങ്ങളും ജീവിച്ചു വരുന്നത് .ഇവിടത്തെ യുവ തലമുറ പ്രാഥമിക വിദ്യാഭ്യാസം പൂര്‍ത്തീ കരിക്കുന്നതിന് മുന്‍പ് തന്നെ മാതാ പിതാക്കളെ സഹായിക്കാനായി മത്സ്യ ബന്ധനവുമായി ബന്ധപ്പെട്ടു പ്രവര്‍ത്തിക്കുന്നതിനാല്‍ ഇവിടത്തെ വിദ്യാഭ്യാസ നിലവാരം കൊല്ലങ്കോട്ടിലെ ശരാശരിയില്‍ നിന്നും താഴെയാണ്.
കടല്‍ തീരത്തായി സ്ഥിതി ചെയ്യുന്ന സെന്റ്‌. നിക്കോളാസ് ചര്‍ച് ആണ് ഇവിടത്തെ പ്രധാന ആരാധനാലയം.

സെന്റ്‌. നിക്കോളാസ് ഹയര്‍ സ്കൂള്‍ , സെന്റ്‌.ഫ്രാന്‍സിസ് കമ്പ്യൂട്ടര്‍ സെന്റര് ,എന്നിവയാണ് ഇവിടത്തെ പ്രധാന വിദ്യാഭ്യാസ സ്ഥാപനങ്ങള്‍. ഒരു നര്സരി സ്കൂളും ഇവിടെ പ്രവര്‍ത്തിച്ചു വരുന്നുണ്ട്.

രാഷ്ട്രീയ പരമായി എ.ഐ .എ.ഡി.എം.കെ യ്ക്ക് ശക്തമായ പ്രാതിനിധ്യമുള്ള പ്രദേശമാണിത്.സി .പി .എം ,കോണ്ഗ്രസ് എന്നീ പാര്‍ട്ടികളും തങ്ങളുടെ സാന്നിധ്യം അറിയിച്ചു പോരുന്നുണ്ട്.

മേടവിളാകം - മാര്‍ത്താണ്ഡം തുറ

2010-06-28T22:23:00.002+04:00

കൊല്ലങ്കോട്ടിലെ പ്രധാനപ്പെട്ട സ്ഥലങ്ങളാണ് മേട വിളാകവും മാര്‍ത്താണ്ഡം തുറയും . കൊല്ലങ്കോട്ടില്‍ ആശുപത്രികള്‍ ബഹു ഭൂരിപക്ഷവും സ്ഥിതി ചെയ്യുന്നത് ഇവിടെയാണ്.റീത്ത നഴ്സിംഗ് ഹോം,ഗ്രേസ് ആശുപത്രി, ഡോ. ഫിലിക്സ് ക്ലിനിക്‌,ബെഹിന്‍ മെമോറിയല്‍ ഡെന്റല്‍ ക്ലിനിക്‌,മാര്‍ത്താണ്ഡം തുറ( ബെഹിന്‍ ക്ലിനികിനെ കുറിച്ച് വായിക്കാം ),എന്നിവ ഇവിടത്തെ പ്രധാന ആശുപത്രികളാണ്.ഇത് കൂടാതെ മാര്‍ത്താണ്ഡം തുറയില്‍ സര്‍ക്കാര്‍ പ്രാഥമിക ആരോഗ്യ കേന്ദ്രത്തിന്റെ നിര്‍മ്മാണ പ്രവര്‍ത്തങ്ങള്‍ നടന്നു വരുന്നു.കൊല്ലങ്കോട്ടിലെ ഭൂരിപക്ഷം ജനങ്ങളും രോഗ നിവാരണത്തിന് ഈ ആശുപത്രികളെയാണ് ആശ്രയിച്ചു വരുന്നത്.

തെക്കന്‍ കേരളത്തിന്റെ മറ്റു തീരാ പ്രദേശങ്ങളെ പോലെ തന്നെ ഒരു ക്രിസ്തീയ ഭൂരി പക്ഷ മേഖലയാണിത്.കൂടാതെ അനേകം ഹൈന്ദവ ,ഇസ്ലാം മത വിശ്വാസികളും ഇവിടെ സൌഹൃദ പരമായി ജീവിച്ചു വരുന്നു.മുക്കുവര്‍,അരയര്‍,ഈഴവര്‍,തണ്ടാര്‍,നായര്‍,വിശ്വകര്‍മ്മ,എന്നീ സമുദായങ്ങളില്‍ പെട്ടവരാണ് ഇവിടെ അധികമായുള്ളത്.സെന്റ്‌.ആന്റണി ചര്‍ച്ച് ,മേടവിളാകം, ഔര്‍ ലേഡി ഓഫ് ഡോളൌര്‍ ചര്‍ച്ച്,മാര്‍ത്താണ്ഡം തുറ, സുബ്രഹ്മണിയ ക്ഷേത്രം ,മേടവിളാകം,ഇസ്ലാമിക്‌ മസ്ജിദ് ,മേടവിളാകം എന്നിവയാണ് ഇവിടത്തെ പ്രധാന ആരാധനാലയങ്ങള്‍.

മത്സ്യ ബന്ധനമാണ് ഇവിടത്തെ പ്രധാന വരുമാന മാര്‍ഗ്ഗം. അത് കൊണ്ട് തന്നെ മത്സ്യ ബന്ധനവുമായി ബന്ധപ്പെട്ട മീന്‍ വല നിര്‍മ്മാണ ശാലയും , ഐസ് ഫാക്ടറി യുമൊക്കെ ഇവിടെ പ്രവര്‍ത്തിച്ചു വരുന്നുണ്ട്. മത്സ്യ ബന്ധനതിനുപരിയായി കയര്‍ നിര്‍മ്മാണവും ഇവിടത്തെ ഒരു പ്രധാന തൊഴില്‍ മാര്‍ഗ്ഗമാണ്.AVM കനാലിന്റെ തീര പ്രദേശത്തെ മനോഹരമായ തെങ്ങിന്‍ തോപ്പുകളില്‍ ആയിരക്കണക്കിനു ജനങ്ങള്‍ കയര്‍ നിര്‍മ്മാണത്തിലൂടെ ജീവിതോപാധി തേടുന്നു.AVM കനാലിനു അടുത്തായി ഒരു പ്രശസ്തമായ ഒരു ചന്ത സ്ഥിതി ചെയുന്നു. 'അന്തിക്കട' എന്നും 'പാലക്കട' എന്നും മറ്റും വിളിച്ചു വരുന്ന ഈ ചന്ത കൊല്ലങ്കോടിലെ നിരവധി ജനങ്ങളുടെ നിത്യ ജീവിത മാര്‍ഗ്ഗമാണ്.

ശ്രീ ദേവിപ്രൈമറി - ഗേള്‍സ്‌ ഹയര്‍ സെക്കന്ററി സ്കൂള്‍ ,സെന്റ്‌.അലോഷ്യസ് ഹയര്‍ സെക്കന്ററി സ്കൂള്‍,ജോണ്‍ ബോണല്‍ മെട്രികുലെഷന്‍ സ്കൂള്‍ (മാര്‍ത്താണ്ഡം തുറ),എന്നിവയാണ് ഇവിടത്തെ വിദ്യാഭ്യാസ സ്ഥാപനങ്ങള്‍ .ഇത് കൂടാതെ ചില കമ്പ്യൂട്ടര്‍ പഠന കേന്ദ്രങ്ങളും ഇവിടെ നിലവിലുണ്ട്.

സുനാമി ദുരിതാശ്വാസനത്തിന്റെ ഭാഗമായി AVM കനാലിന്റെ തീരത്ത് അടുത്ത കാലത്തായി നിരവധി വീടുകള്‍ പണി കഴിപ്പിച്ചിട്ടുണ്ട്. AVM കനാലിനു കുറുകെയുള്ള പാലമാണ് മേട വിളാകത്തിനെയും മാര്‍ത്താണ്ഡം തുറയെയും തമ്മില്‍ ബന്ധിപ്പിക്കുന്നത്.

രാഷ്ട്രീയ പരമായി സി.പി.എം.,എ.ഐ.ഡി.എം.കെ,കോണ്ഗ്രസ്,ബി.ജെ.പി എന്നീ പാര്‍ട്ടി കള്‍ക്ക് ഇവിടെ വേരോട്ടമുണ്ട്‌. മേടവിളകത്തില്‍ഉള്‍പ്പെടുന്ന 2 വാര്‍ഡുകളില്‍ ഓരോന്ന് സി.പി.എമ്മും ബി.ജെപിയും ഭരിക്കുന്നു.മാര്‍ത്താണ്ഡം തുറ ഉള്‍പെടുന്ന വാര്‍ഡ് എ.ഐ.ഡി.എം.കെ ആണ് ഭരിക്കുന്നത്‌.സി.പി എമ്മിന്റെയും ബി.ജെ.പിയുടെയും തൊഴിലാളി യൂണിയനുകളും സേവ ഭാരതിയുടെ അയല്‍ക്കൂട്ടങ്ങളും ഇവിടെ നല്ല രീതിയില്‍ പ്രവര്‍ത്തിച്ചു വരുന്നുണ്ട്.

വെങ്കഞ്ഞി

2010-06-15T21:38:00.002+04:00

ഊരംബ് മുതല്‍ മഞ്ഞത്തോപ്പു വരെ വ്യാപിച്ചു കിടക്കുന്ന ഒരു വലിയ പ്രദേശമാണ് വെങ്കഞ്ഞി. ഇതിനെ പ്രധാനമായും രണ്ടായി തിരിച്ചു മേലെ വെങ്കഞ്ഞി എന്നും കീഴെ വെങ്കഞ്ഞി എന്നും വിളിച്ചു വരുന്നു. കല്ലുവെട്ടാന്‍കുഴി ഭാഗത്തിന് മുകളിലുള്ള പ്രദേശത്തെ
മേലെ വെങ്കഞ്ഞി എന്നും ബാക്കി പ്രദേശത്തെ കീഴെ വെങ്കഞ്ഞി എന്നും വിളിക്കുന്നു.
നായര്‍ ,നാടാര്‍,വിശ്വകര്‍മ്മ,പട്ടിക ജാതി വിഭാഗങ്ങളില്‍ പെട്ട ജനങ്ങള്‍ ഇവിടെ വസിച്ചു വരുന്നു. ഹിന്ദു , ക്രൈസ്തവ മതങ്ങളില്‍ ഇവര്‍ വിശ്വസിക്കുന്നു.വെങ്കഞ്ഞി മുടിപ്പുര, ഇലംപലമുക്ക് മഹാദേവ ക്ഷേത്രം, ശില്‍വ പുരം ചര്‍ച്ച് .പുന്നമൂട് ചര്‍ച്ച്, ആനാട് കാവ്,ആനാട് ശ്രീ ധര്‍മ്മ ശാസ്താ ക്ഷേത്രം, ചുണ്ടവില കാവ്,മഞ്ഞത്തോപ്പു കാവ്‌,നടുവത്ത് മുറി കാവ്‌, കണ്ണനാഗം അയ്യാ കോവില്‍ ,എന്നിവയാണ് ഇവിടത്തെ പ്രധാന ആരാധനാലയങ്ങള്‍ .

കണ്ണനാഗം ,ആനാട്, മഞ്ഞത്തോപ്പ്,കുട്ടമംഗലം,കച്ചേരി നട,ഊരംബ്,എന്നീ പ്രദേശങ്ങളില്‍ ആയി വ്യാപിച്ചു കിടക്കുന്ന സ്ഥലമാണ്‌ വെങ്കഞ്ഞി.കുട്ടംഗലം-മഞ്ഞത്തോപ്പ് വയലോര മേഖല ഈ പ്രദേശത്തെ കാര്‍ഷിക സംസ്കാരത്തിന്റെ ഉത്തമ ഉദാഹരണമാണ്. ഇവിടെയുള്ള മനോഹരവും ,ജല സമൃടവും ആയിരുന്ന പെരുകുളം ഇന്ന് നെയ്യാറില്‍ നിന്നുള്ള ജല ലഭിക്കാത്തതിനാല്‍ വറ്റി വരണ്ടിരിക്കുന്നു. കൊല്ലങ്കോട് തൂക്ക മഹോത്സവ സമയത്ത് തൂക്ക നേര്‍ച്ച ക്കാര്‍ക്ക് കുളിക്കാനുള്ള സൌകര്യം ഒരുക്കിയിരുന്നത് ഈ കുളത്തിലായിരുന്നു. എന്നാല്‍ ഇപ്പോള്‍ ഇവിടെ ജലമില്ലത്തതിനാല്‍ കനാലിലെ മലിന ജലത്തെ ആശ്രയിക്കേണ്ട ഗതികേട് ആണുള്ളത്.കച്ചേരി നടയുടെ അടുത്തുള്ള വയലോര പ്രദേശങ്ങള്‍ വളരെ നയന മനോഹരമാണ്. കൊല്ലങ്കോട് തൂക്കത്തിന് , തൂക്കക്കാര്‍ ഒരുങ്ങി വരുന്ന 2 തറവ്ടുകളില്‍ ഒന്ന് വിഇടെയാണ് സ്ഥിതി ചെയ്യുന്നത്. മനോഹരമായ ഒരു കുളവും ഈ പ്രദേശത്തായി തന്നെ സ്ഥിതി ചെയ്യുന്നുണ്ട്.

കൃഷി തന്നെയാണ് ഇവിടത്തെ പ്രധാന വരുമാന മാര്‍ഗ്ഗം.ഇത് കൂടാതെ മറ്റനേകം തൊഴിലുകളും ഇവിടത്തുകാര്‍ ചെയ്തു വരുന്നുണ്ട്. ഇവിടത്തെ പ്രധാന തൊഴില്‍ ശാലകളെ കുറിച്ച് പറയുമ്പോള്‍ ഏറ്റവും പ്രധാനപ്പെട്ടത് കൊല്ലങ്കോട്ടിലെ പ്രധാന വ്യവസായ സ്ഥാപനമായ ഫാത്തിമ ട്രാടെര്സ് (ഫാത്തിമ ട്രാടെര്സിന്റെ വെബ് സൈറ്റ് : http://fathimacompanies.com/ )തന്നെയാണ്. ഇത് കൂടാതെ ശില്‍വ പുരം കശുവണ്ടി ഫാക്ടറി ,ചുണ്ട വിള ഹോലോബ്രിക്ക്സ് ഫാക്ടറി എന്നിവയും ഇവിടത്തെ പ്രധാന തൊഴില്‍ ശാലകളാണ്. ശ്രീ രാം ജൂവലെര്സ്, കൊല്ലങ്കോട് എലെക്ട്രി സിറ്റി ഓഫീസ്,കാര്‍ഷിക സഹകരണ ബാങ്ക്, കൊല്ലങ്കോട് പോസ്റ്റ് ഓഫീസ്,എന്നിവയും ഇവിടെ സ്ഥിതി ചെയ്യുന്നു.ഇലംപലമുക്ക് മഹാ ദേവ ക്ഷേത്രത്തിനടുത്ത് സ്ഥിതി ചെയ്തിരുന്ന നെയ്ത്ത് ശാല ഇപ്പോള്‍നിര്‍ഭാഗ്യ വശാല്‍ പ്രവര്‍ത്തന രഹിതമാണ്.

കൊല്ലങ്കോട്ടില്‍ ഏറ്റവും വിദ്യാഭ്യാസ സ്ഥാപനങ്ങള്‍ സ്ഥിതി ചെയ്യുന്നത് വെങ്കഞ്ഞിയിലാണ് . ഗവണ്മെന്റ് ഹയര്‍ സെക്കന്ററി സ്കൂള്‍ ,വിദ്യാദിരാജ വിദ്യ വികാസ് മെട്രികുലെഷന്‍ സ്കൂള്‍, ABC മെട്രിക് ഹയര്‍ സെക്കന്ററി സ്കൂള്‍ ,കിരാതൂര്‍ ഹയര്‍ സെക്കന്ററി സ്കൂള്‍,( BEd കോളേജ്),ശില്‍വ പുരം സ്കൂള്‍ ,പുന്നമൂട് ഹയര്‍ സെക്കന്ററി സ്കൂള്‍ ,താഴ വിളാകം പ്രൈമറി സ്കൂള്‍ എന്നിവയാണ് ഇവിടത്തെ പ്രധാന വിദ്യാഭ്യാസ സ്ഥാപനങ്ങള്‍ .

രാഷ്ട്രീയ പരമായി കോണ്ഗ്രസ്,കമ്യൂണിസ്റ്റ്,ബി.ജെ.പി എന്നീ ദേശീയ പാര്‍ട്ടികള്‍ക്കും എ.ഐ.എ.ഡി.എം.കെ,ഡി .എം.കെ എന്നീ പ്രാദേശിക പാര്‍ട്ടികള്‍ക്കും ശകതമായ അടിത്തറ ഉണ്ട്.ഇതില്‍ ഉള്‍പ്പെടുന്ന 3 വാര്‍ഡുകളില്‍ ഓരോന്ന് വീതം ബി.ജെ.പി ,കോണ്ഗ്രസ്, ഡി.എം.കെ എന്നീ പാര്‍ട്ടികള്‍ ഭരിക്കുന്നു. ശില്‍വ പുരം സ്കൂള്‍ ,ഗവണ്മെന്റ് സ്കൂള്‍ , പുന്നമൂട് സ്കൂള്‍ എന്നിവയാണ് ഇവിടത്തെ വോട്ടിംഗ് കേന്ദ്രങ്ങള്‍.

കൊല്ലങ്കോട് മേക്കെക്കര

2010-05-29T12:58:00.001+04:00

കൊല്ലങ്കോട് വട്ടവിള മുടിപ്പുരയുടെ വടക്ക് പടിഞ്ഞാറു ഭാഗത്തുള്ള മനോഹരമായ ഭൂ പ്രകൃതിയെ മേക്കെ കര എന്ന് വിളിക്കുന്നു. നയന മനോഹരമായ പാട ശേഖരങ്ങളും ,ഇട തൂര്‍ന്ന തെങ്ങിന്‍ തോപ്പുകളും ,വിശാലമായ കായലോരവും ഈ പ്രദേശത്തെ വ്യത്യസ്തമാക്കുന്നു. കൊല്ലങ്കോട് വട്ടവിള മുടിപ്പുര മുതല്‍ പൊഴിയൂര്‍ -കാക്കവിള വരെ വ്യാപിച്ചു കിടക്കുന്ന സ്ഥലമാണിത്. കേരളവുമായി അതിര്‍ത്തി പങ്കിടുന്ന ഒരു പ്രദേശം കൂടിയാണിത്.

കൊല്ലങ്കോട്ടിലെ മറ്റു പ്രദേശങ്ങള്‍ പോലെ വ്യത്യത ജാതി മതസ്ഥര്‍ തിങ്ങി വസിക്കുന്ന ഒരു പ്രദേശമാണിത്. ജാതിപരമായി നായര്‍ ,നാടാര്‍ ,ചെക്കാല ,അരയര്‍ ,തണ്ടാര്‍ ,മുക്കുവര്‍,പുലയര്‍,ബ്രാഹ്മിണ്‍ എന്നിങ്ങനെ വ്യത്യസ്തമായ അനവധി ജാതിയില്‍ പെട്ടവര്‍ സൌഹൃദത്തോടെ വസിക്കുന്നു. പട്ടിക ജാതി വിഭാഗത്തില്‍ പെട്ട നിരവധി പേര്‍ താമസിക്കുന്നതിനാല്‍ ഇതില്‍ ഉള്‍പ്പെടുന്ന ആറാം വാര്‍ഡ്‌ സംവരണ വാര്‍ഡ്‌ ആണ്.
മതപരമായി ഹൈന്ദവ ,ക്രൈസ്തവ മതസ്ഥര്‍ ആണ് ഇവിടെ അധികമായി വസിക്കുന്നത്. മലയാളമാണ് പ്രധാന ഭാഷ. തമിഴും ചുരുക്കമായി ഉപയോഗിച്ചു വരുന്നു.

തിരുമന്നം ജംഗ്ക്ഷന്‍ കേശവ വിലാസം പ്രൈമറി സ്കൂള്‍ ,കാക്കവിള സത്യഭാമ മെട്രികുലെഷന്‍സ്കൂള്‍ എന്നിവയാണ് ഇവിടത്തെ പ്രധാന വിദ്യാഭ്യാസ സ്ഥാപനങ്ങള്‍ . തിരുമന്നം ജംഗ്ഷനില്‍ സ്ഥിതി ചെയ്യുന്ന യങ്ങ് സ്റ്റാര്‍ കലാ കായിക കേന്ദ്രം നല്ല രീതിയില്‍ പ്രവര്‍ത്തിച്ചു വരുന്ന ഒരു സാംസ്‌കാരിക കേന്ദ്രമാണ്.

ജല സ്രോതസ്സും ,വിശാലമായ പാട ശേഖരവും ഒക്കെ ഉള്ളതിനാല്‍ കൃഷി തന്നെ ആണ് ഇവിടത്തെ പ്രധാന വരുമാന മാര്‍ഗം . ഇത് കൂടാതെ കയര്‍ നിര്‍മ്മാണം, കൊപ്ര വ്യവസായം ,മത്സ്യ ബന്ധനം എന്നിവയും ഇവിടത്തെ ഉപ ജീവന മാര്‍ഗങ്ങളാണ്.

കൊല്ലങ്കോട് ഭദ്രകാളി ദേവസ്വത്തിന്റെ കീഴിലുള്ള അഞ്ചു മുക്കിന്‍ കരിവയല്‍ ,മനോഹരമായ കണ്ണന്‍ കുളം , പ്രശസ്തമായ കൊല്ലങ്കോട് മഠം AVM കനാലിന്റെ വിശാലമായ തീരം എന്നിവയെല്ലാം ഇവിടത്തെ പ്രത്യേകതകള്‍ ആണ്.

ശാസ്ത നഗര്‍ ഇമ്പീരിയല്‍ കമ്പനി ,കാക്കവിള കശുവണ്ടി ഫാക്ടറി ,കരുംബനുടയന്‍ കുഴി കയര്‍ നിര്‍മാണ മേഖല,തിരുമന്നം ഹോലോബ്രിക്ക്സ് ഫാക്ടറി എന്നിവയാണ് ഇവിടത്തെ പ്രധാന തൊഴില്‍ കേന്ദ്രങ്ങള്‍ .ഇത് കൂടാതെ നാളികേരത്തില്‍ നിന്നും എണ്ണ സംസ്കരിചെടുക്കുന്ന നിരവധിതൊഴില്‍ ശാലകളും ഇവിടെ പ്രവര്‍ത്തിച്ചു വരുന്നുണ്ട്.

കൊല്ലങ്കോട് വട്ടവിള മുടിപ്പുര, മുപ്പുരം കാവ്‌, കരിമ്ബനുടയന്‍ കുഴി മഹാവിഷ്ണു ക്ഷേത്രം, ചതര കാവ്‌, കുന്നിയോടു പാറയില്‍ ശ്രീധര്‍മ്മ ശാസ്താ ക്ഷേത്രം, പൊറ്റയില്‍ ഭദ്രകാളി ക്ഷേത്രം, കല്ലി കാവ്‌, തിരുമന്നം കാവ്‌,വട്ടവിള കാവ്‌,കാക്കവിള ചര്‍ച്ച്, എന്നിവയാണ് ഇവിടത്തെ പ്രധാന ആരാധനാലയങ്ങള്‍.

രാഷ്ട്രീയപരമായി ഒരുകാലത്ത് സി.പി എമ്മിന്റെ ശക്തി കേന്ദ്രമായിരുന്നു ഈ സ്ഥലം. ഇന്ന് സി.പി.എമ്മും ബി.ജെ.പിയും ബലാബലം പോരുതന്ന മേഖലയാണിത്. ഇതില്‍ ഉള്‍പ്പെടുന്ന 2 വാര്‍ഡുകളില്‍ ഓരോന്ന് വീതം ഇരു പാര്‍ട്ടികളും നേടി വരുന്നു. ഡി.വൈ.എഫ്.ഐ., ആര്‍.എസ്.എസ്.,ബി.എം.എസ്.,സി.ഐ.ടി.യു.,എന്നീ സംഘടനകളും ഇവിടെ ശക്തമായി പ്രവര്‍ത്തിച്ചു വരുന്നുണ്ട്. കല്പറ പൊറ്റ സ്കൂള്‍, ശ്രീ ദേവി സ്കൂള്‍ എന്നിവയാണ് ഇവിടത്തെ പോളിംഗ് കേന്ദ്രങ്ങള്‍ .

പനവിള

2010-05-16T14:34:00.000+04:00

കൊല്ലംകോട് വട്ടവിള ശ്രീ ഭദ്രകാളി ക്ഷേത്രം മുതല്‍ സില്‍വ പുരം വരെയുള്ള സ്ഥലത്തിനെ ആണ് പനവിള എന്ന് വിളിക്കുന്നത്. സാംസ്കാരികമായും വിദ്യാഭ്യാസപരമായും ഏറെ മുന്നേറിക്കൊണ്ടിരിക്കുന്ന ഒരു സ്ഥലമാണിത്. വ്യത്യസ്ത സമുദായങ്ങളില്‍ പെട്ട ജനങ്ങള്‍ ഇവിടെ തിങ്ങി വസിക്കുന്നു. എങ്കിലും നായര്‍ സമുദായത്തിന് ഭൂരിപക്ഷമുള്ള സ്ഥലമാണിത്. ഇത് കൂടാതെ നാടാര്‍ ,വിശ്വകര്‍മ്മ ,തണ്ടര്‍ ,അരയര്‍ ,ഈഴവ സമുദായങ്ങളില്‍ പെട്ട ജനങ്ങളും ഇവിടെ പരസ്പര സഹകരണത്തോടെ സഹാവസിച്ചു വരുന്നു. ഇവിടെ 90 % ഇല്‍ അധികം ജനങ്ങളും ഹിന്ദുക്കളാണ്. ക്രിസ്തു മതത്തിനും ഇവിടെ ചെറിയ വേരോട്ടമുണ്ട്‌. ഇവിടെ 90 ശതമാനത്തില്‍ അധികം ജനങ്ങളും മലയാളമാണ് സംസാരിച്ചു വരുന്നത്.

കൊല്ലങ്കോട്ടിലെ പ്രധാന സ്ഥലമായ കണ്ണനാഗം പനവിളയില്‍ ഉള്‍പ്പെടുന്ന സ്ഥലമാണ്‌. അത് കൊണ്ട് തന്നെ കൊല്ലങ്കോട്ടിലെ മിക്ക ജനങ്ങളും നിത്യേന സന്ദര്‍ശിക്കുന്ന സ്ഥലമാണിത്. പ്രധാന പെട്ട വിദ്യാഭ്യാസ സ്ഥപങ്ങലോന്നും പനവിളയില്‍ സ്ഥിതി ചെയ്യുന്നില്ല. എങ്കിലും ഗവണ്മെന്റ് ഹയര്‍ സെക്കന്ററി സ്കൂളും ,ശ്രീ ദേവി ഗേള്‍സ്‌ ഹയര്‍ സെക്കന്ററി സ്കൂളും ഇതിനടുത്താണ് സ്ഥിതി ചെയ്യുന്നത്. ഇത് കൂടാതെ കൊല്ലങ്കോട്ടില്‍ നല്ല രീതിയില്‍ പ്രവര്‍ത്തിച്ചു വരുന്ന കമ്പ്യൂട്ടര്‍ പഠന കേന്ദ്രമായ ടീം കമ്പ്യൂട്ടര്‍ സെന്റര്‍ പനവിളയിലെ കല്ലുവെട്ടാന്‍ കുഴി എന്ന സ്ഥലത്താണ് സ്ഥിതി ചെയ്യുന്നത്.
വട്ടവിള ശ്രീ ഭദ്രകാളി ക്ഷേത്രം (പഴയ മുടിപ്പുര) തന്നെയാണ് ഇവിടത്തെ പ്രധാനവും പ്രശസ്തവുമായ ആരാധനാലയം . ഇത് കൂടാതെ ആയിത്തി കാവ് ശ്രീ നാഗരാജ ക്ഷേത്രം ആയിത്തി അയ്യാ കോവില്‍ നിരവധി കുടുംബ ക്ഷേത്രങ്ങള്‍ (പഴിഞ്ഞി യക്ഷിയമ്മന്‍ കോവില്‍ ,ശ്യാമ വിളാകം,കടാക്കുറിച്ചി എന്നിവ ഉദാഹരണം .)എന്നിവയും ഇവിടെ ഉണ്ട്. കല്ലുവെട്ടാന്‍ കുഴി മാര്‍ഷല്‍ പുരം R .C .ചര്‍ച്ച് ആണ് ഇവിടത്തെ ഏക ക്രിതീയന്‍ ആരാധനാലയം .
കൊല്ലങ്കോട് തൂക്കതിനോട് അനുബന്ധിച്ച് നടക്കുന്ന ഘോഷയാത്ര ,പത്താമുദയം പൊങ്കാല ,ആയിത്തി കാവ് ആയില്യം കൊട ,ക്രിസ്ത്യന്‍ കണ്‍ വേഷനുകള്‍ എന്നിവയാണ് ഇവിടത്തെ പ്രധാന ജന പങ്കാളിത്തമുള്ള ആഘോഷ പരിപാടികള്‍ . ഇത് കൂടാതെ ഓണവും ക്രിസ്മസും വിപുലമായ രീതിയില്‍ ഇവിടെ ആഘോഷിക്കുന്നുണ്ട് .

കൊല്ലങ്കോട് പഞ്ചായത്ത്‌ ഓഫീസ് പനവിളയിലെ സില്‍വ പുരത്തില്‍ ആണ് സ്ഥിതി ചെയ്യുന്നത് .

രാഷ്ട്രീയ പരമായി ഭാരതീയ ജനത പാര്‍ടിക്ക് ഏറെ മുന്കൂതമുള്ള സ്ഥലമാണിത്.സി.പി.എം. ആണ് മുഖ്യ എതിരാളികള്‍ .സംഘടന പരമായി രാഷ്ട്രീയ സ്വയം സേവക സംഘത്തിന്റെ ശക്തി കേന്ദ്രമാണ് ഈ പ്രദേശം . സില്‍വ പുരം സ്കൂളാണ് ഇവിടത്തെ പ്രമുഖ പോളിംഗ് കേന്ദ്രം .

വള്ളവിള

2010-05-09T13:35:00.002+04:00

(image from http://rianhoes.blogspot.com/2009/08/een-rondje-tamil-nadu.html)

കൊല്ലങ്കോടിലെ മനോഹരമായ ഒരു തീര പ്രദേശമാണ്, വള്ളവിള. വ്യത്യസ്ത സമുദായങ്ങളില്‍ പെട്ട ജനങ്ങള്‍ തിങ്ങി വസിക്കുന്ന ഒരു പ്രദേശമാണിത്.ലത്തീന്‍ കത്തോലിക് മത വിശ്വാസികളായ മുക്കവ സമുദായത്തില്‍ പെട്ടവരും , ഇസ്ലാം മതസ്ഥരും ,അരയ,തണ്ടാര്‍ സമുദായത്തില്‍ പെട്ട ഹൈന്ദവരുമാണ്, ഇവിടെ അധികമായി കണ്ടുവരുന്നത്.
തമിഴ് ,മലയാളം ഭാഷകള്‍ ഇവിടത്തുകാര്‍ സംസാരിക്കുന്നു. തമിഴും മലയാളവും ഇടകലര്‍ന്ന ഒരു പ്രത്യേക ശൈലിയിലാണ്, ഇവിടത്തെ സാധാരണക്കാര്‍ സംസാരിക്കുന്നത്.
ഇവിടത്തെ 60% ല്‍ അധികം ജനങ്ങളും കത്തോലിക് മത വിശ്വാസികളാണ്.

ഇന്ത്യയിലെ പോര്‍ച്ചുഗീസ് ആധിപത്യവുമായി ഈ സ്ഥലത്തിനു നല്ല ബന്ധമുണ്ട്. വിശുദ്ധ സേവ്യര്‍ 1544 ല്‍ കേരളത്തിന്റെ തീര പ്രദേശങ്ങള്‍ സന്ദര്‍ശിക്കുകയും തുടന്ന്, തിരുവിതാംകൂര്‍ സാമ്രാജ്യവുമായി നല്ല ബന്ധം സ്ഥാപിക്കുകയും ചെയ്തു.തുടര്‍ന്നു കൊല്ലം മുതല്‍ കന്യാകുമാരി വരെയുള്ള 13 കടലോര ഗ്രാമങ്ങളിലെ മത്സ്യബന്ധന തൊഴിലാളികളെ മതപരത്തനത്തിനിരയാക്കി.വള്ളവിളയും ഇതില്‍ ഉള്‍പ്പെടുന്നു.

മത്സ്യ ബന്ധനമാണ്, ഇവിടത്തെ പ്രധാന തൊഴിലും വരുമാന മാര്‍ഗ്ഗവും . എന്നല്‍ ഇതു കൂടാതെ കയര്‍ നിര്‍മ്മാണ മേഖലയിലും ധാരാളം പേര്‍ ജോലി ചെയ്യുന്നുണ്ട്. ഐസ് ഫാക്റ്ററി,മീന്‍വല നിര്‍മ്മാണ ശാല എന്നിവയും ഇവിടെ പ്രവര്‍ത്തിച്ചു വരുന്നു.

അനന്ത വിക്ടോറിയ മാര്‍ത്താണ്ഡവര്‍മ്മ( AVM ) കനാലിനു കുറുകെ ഈ അടുത്തിടെയായി നാട്ടുകാരുടെ നിരന്തര പരിശ്രമത്തിന്റെ ഭലമായി ഒരു മനോഹരമായ പാലം നിര്‍മ്മിക്കപ്പെട്ടിട്ടുണ്ട്.

കടലോരത്തു സ്ഥിതി ചെയ്യുന്ന വിശുദ്ധ മേരി ചര്‍ച്ച്, ശ്രീ രാജരാജേശ്വരി ക്ഷേത്രം ,തൊട്ടടുത്തായി സ്ഥിതി ചെയ്യുന്ന മസ്ജിദ് എന്നിവയാണ്, ഇവിടത്തെ പ്രധാനപ്പെട്ട ആരാധാനാലയങ്ങള്‍ .

LMS പ്രൈമറി സ്കൂള്‍ ,സെന്റ്.ജൂഡ്സ് മിഡില്‍ സ്കൂള്‍ എന്നിവയാണ് ഇവിടത്തെ പ്രധാനപ്പെട്ട വിദ്യാഭ്യാസ സ്ഥാപനങ്ങളെങ്കിലും ഇതിനടുത്താണ്, ഗവണ്മെന്റ് ഹയര്‍ സെക്കണ്ട്റി സ്കൂള്‍ സ്ഥിതി ചെയ്യുന്നത്.

കടലും കനാലും ഒക്കെ ഉള്ളതുകൊണ്ട് തന്നെ വളരെ പ്രക്രതി രമണീയമായ ഒരു സ്ഥലമാണ് വളളവിള . വിശാലമായ തെങ്ങില്‍ തോപ്പുകളും ,മനോഹരമായ കായലോരവും ഈ സ്ഥലത്തിനെ വ്യത്യസ്തമാക്കുന്നു. വിദ്യാഭ്യാസപരമായും ഇവിടത്തെ ജനങ്ങള്‍ മുന്നേറി കൊണ്ടിരിക്കുകയാണ്. ഇവിടത്തെ ഒരു കൂട്ടം യുവ ജനങ്ങള്‍ ചേര്‍ന്ന് ആരംഭിച്ച സോഷ്യല്‍ നെറ്റ് വര്‍ക്കിംഗ്‌ സൈറ്റ് ആണ് www .vallavilai .com .

ക്രിക്കറ്റ്‌ ,ഫുട് ബോള്‍ തുടങ്ങിയ കായിക ഇനങ്ങളില്‍ ഇവിടത്തെ യുവ ജനങ്ങള്‍ വളരെ താല്പര്യം പ്രകടിപ്പിച്ചു വരുന്നു. സെന്റ്‌.ഇവിടത്തെ പ്രധാന സ്പോര്‍ട്സ് ക്ലബ്‌ ആയ ആന്റണി സ്പോര്‍ട്സ് ക്ലബ്ബില്‍ നിരവധി യുവ ജനങ്ങള്‍ അംഗങ്ങളാണ്.

രാഷ്ട്രീയ പരമായി എ .ഐ .എ.ഡി. എം.കെ. ,കോണ്ഗ്രസ്,കമ്മൂണിസ്റ്റ് ,ഭാരതീയ ജനത പാര്‍ട്ടി എന്നീ പ്രസ്ഥാനങ്ങള്‍ ഇവിടെ ശക്തമാണ്.

അണുക്കോട്

2010-04-26T20:27:00.001+04:00

     കൊല്ലങ്കോട്ടിലെ പ്രധാനപ്പെട്ട ഒരു പ്രവശ്യയാണ്, അണുക്കോട്.ഊരമ്പ്,കച്ചേരിനട,പിന്‍കുളം എന്നി സ്ഥലങ്ങളെല്ലാം ഉള്‍പ്പെടുന്ന ഈ പ്രവശ്യ തനതു ഗ്രാമീണ അന്തരീക്ഷം നിലനിര്‍ത്തിപ്പോരുന്നു. കൊല്ലങ്കോട്ടിലെ സാധാരണ ജാതി സമവാക്യങ്ങളില്‍ നിന്നു വ്യത്യസ്തമായി നാടാര്‍ ,നായര്‍ ,വിശ്വകര്‍മ്മ വിഭാഗങ്ങളില്പ്പെട്ട ജനങ്ങളാണ്, ഭൂരിപക്ഷവും . ക്രിസ്തീയ മുന്‍തൂക്കമുള്ള ഈ പ്രദേശത്തു ഹിന്ദു,ക്രിസ്തീയ മത വിശ്വാസികളാണ്, ഏറിയ പങ്കും .

            വിവിധ ക്രിസ്ത്യന്‍ സഭകളുടെ ആരാധനാലയങ്ങള്‍ ഇവിടെ നിലകൊള്ളുന്നു. ഇതില്‍ പിങ്കുല ചര്‍ച്ച്, പുന്നമൂട് ചര്‍ച്ച്,ഈന്തക്കാട് പെന്ത്ക്കോസ്ത് ചര്‍ച്ച് എന്നിവയാണ്, പ്രധാനപ്പെട്ടവ.

           ഹൈന്ദവ ആരാധനാലയങ്ങളില്‍ നാടാര്‍ സമുദായതിനു ഭൂരിപക്ഷമുള്ള ഈ മേഖലയില്‍ കച്ചേരിനട അയ്യാ സ്വാമി ക്ഷേത്രമാണ്,ഏറ്റവും പ്രധാനപ്പെട്ടത്.ഇതു കൂടാതെ പാറയില്‍ ശ്രീ ധര്‍മ്മ ശാസ്താ ക്ഷേത്രം ,അയിത്തി കാവ് നാഗരാജാ ക്ഷേത്രം എന്നിവയാണ്, ഇതിനടുത്തുള്ള പ്രധാന ഹൈന്ദവ ക്ഷേത്രങ്ങള്‍ .

     പുന്നമൂട് ഹയര്‍ സെക്കണ്ടരി സ്കൂള്‍ ,സില്വപുരം ഹയര്‍ സ്കൂള്‍ , കല്‍പാറപൊറ്റ ഹയര്‍ സ്കൂള്‍ എന്നിവയാണ്, ഈ പ്രദേശത്തിനടുത്തുള്ള പ്രധാന വിദ്യാലയങ്ങളെങ്കിലും ഗവണ്‍മെന്റ് ഹയര്‍ സെക്കണ്ടരി സ്കൂള്‍ ,ശ്രീ ദേവി ഗേള്‍സ് ഹയര്‍ സെക്കണ്ടരി സ്കൂള്‍ എന്നീ പ്രധാന് വിദ്യാലയങ്ങളേയും ഇവിടത്തുകാര്‍ ആശ്രയിച്ചു വരുന്നു.

      പ്രകൃതി ഭംഗി കനിഞ്ഞ് അനുഗ്രഹിച്ച ഈ പ്രദേശത്തു അടുത്തടുത്തായി സ്ഥിതി ചെയ്യുന്ന 2 മനോഹരങ്ങളായ കുളങ്ങളാണ്, പെരുങ്കുളം ,മാരാര്‍ കുളം എന്നിവ.ഇതിനടുത്ത് വിശാലമായ ഒരു വയലേലയും കാണപ്പെടുന്നു. നെയ്യാര്‍ ഡാമില്‍ നിന്നും കര്‍ഷികാവശ്യത്തിനുള്ള ജലമെത്തിക്കുന്ന ഒരു കനാലും ഇതു വഴി കടന്നു പോകുന്നുണ്ട്.
ജല സമൃദ്ധമായ ഒരു പ്രദേശമായതു കൊണ്ടു തന്നെ കൃഷിയാണ്, ഇവിടത്തെ പ്രധാന തൊഴില്‍ .ഇതു കൂടാതെ മരപ്പണി,മണ്‍പാത്ര നിര്‍മ്മാണം ,കെട്ടിട് നിര്‍മ്മണം , വാണിജ്യം എന്നിവയും ഇവിടത്തുകാര്‍ ചെയ്തു വരുന്നു. ഇതു കൂടാതെ തിരുവനന്തപുരം , നാഗര്‍കോവില്‍ എന്നി നഗരങ്ങളേയും തൊഴിലിനായി ഇവിടത്തുകാര്‍ ആശ്രയിക്കുന്നു.

   കൊല്ലങ്കോട് തൂക്ക മഹോത്സവത്തിന്, തൂക്കക്കാര്‍ ഒരുങ്ങി വരുന്നത് അണുക്കോട് ഇടവിളാകം , കീഴ്വിളാകം എന്നീ തറവാടുകളില്‍ നിന്നാണ്.

     രാഷ്ട്രീയ പരമായി കോണ്‍ഗ്രസ്സും ,കമ്മ്യൂണിസ്റ്റ് പാര്‍ട്ടിയും ഇവിടെ തുല്യ ശക്തികളാണ്.പുന്നമൂട് ഹയര്‍ സെക്കണ്ടരി സ്കൂളാണ്, ഇവിടത്തെ വോട്ടിങ് കേന്ദ്രം .

കൊല്ലങ്കോട് ദേവി ഭക്തി ഗാനങ്ങള്‍ 2010 - നേര്‍ച്ചതൂക്കം

2010-04-14T19:15:00.000+04:00

ആല്‍ബം : നേര്‍ച്ചതൂക്കം

രചന : ശിവകുമാര്‍ പാപ്പനംകോട്, കൃഷ്ണകുമാര്‍ കൊല്ലങ്കോട്

സംഗീതം : ജിജിത്

ആലാപനം : റിമി റ്റോമി,നിഖില്‍ റജ്,ശരിത രാജീവ്,രാഖി

നിര്‍മ്മാണം : പ്രദീപ് കാര്‍ത്തിക, കൃഷ്ണകുമാര്‍ കൊല്ലങ്കോട്

MAKE A PLAYLIST

VISIT rkrishnan

STANDALONE

കൊല്ലങ്കോട് മീനഭരണി തൂക്ക മഹോത്സവം 2010 -ചിത്രങ്ങള്‍

2010-03-31T13:39:00.000+04:00

കൊല്ലങ്കോട് തൂക്കം എഴുന്നള്ളത്ത് 2010 ചിത്രങ്ങള്‍

Made with Slideshow Embed Tool

കൊല്ലങ്കോട് തൂക്ക മഹോത്സവം 2010 ചിത്രങ്ങള്‍

Made with Slideshow Embed Tool

(ചിത്രങ്ങള്‍ പകര്‍ത്തിയത് : വിജീഷ്, പ്രവീണ്‍ )

തൂക്ക മഹോത്സവ ആഘോഷങ്ങള്‍ 2010

2010-03-15T11:53:00.003+04:00

കൊല്ലങ്കോട് മീനഭരണി തൂക്ക മഹോത്സവം .

2010-02-09T18:42:00.002+04:00

കൊല്ലങ്കോട് മീനഭരണി തൂക്ക മഹോത്സവത്തോടനുബന്ധിച്ചു നടക്കുന്ന ആഘോഷ പരിപാടികള്‍ വളരെ പ്രശസ്തവും അതി മനോഹരവുമാണ്. ഇതിന്റെ ആദ്യ ഘട്ടമായി ദേവി വെങ്കഞ്ഞി ക്ഷേത്രത്തില്‍ നിന്നും ഘോഷയാത്രയായി വെങ്കഞ്ഞി ക്ഷേത്രത്തിലേക്ക് എഴുന്നള്ളുന്ന ചടങ്ങാണ്. ഈ ഘോഷയാത്ര ഒരു പകല്‍ മുഴുവന്‍ നീണ്ടു നില്‍ക്കും .ഇതിനെ കുറിച്ചുള്ള വിവരണം ഇവിടെ വായിക്കാം.
ഇതേ സമയത്തു തന്നെ ത്രിക്കൊടിയേറ്റിനുള്ള കൊടിമരത്തിനായി ഒരു കമുകിന്‍ മരം മുറിച്ചു കൊണ്ട് ഘോഷയാത്രയായി വെങ്കഞ്ഞി ക്ഷേത്രത്തിലേക്ക് എത്തിക്കുന്നു.ദേവി വൈകുന്നേരം വെങ്കഞ്ഞി ക്ഷേത്രത്തിലെത്തി ത്രിക്കോടിയേറ്റോടെ ഉത്സവം ആരംഭിക്കുന്നു. തുടര്‍ന്ന് 10 ദിവസം വിവിധ കലാപരിപാടികളൊടും വിശേഷാല്‍ പൂജകളോടും കൂടി ഉത്സവം നടക്കുന്നു.
            മൂന്നാം ഉത്സവ നാളില്‍ തൂക്ക നേര്‍ച്ച രജിസ്ട്രേഷന്‍ ആരഭിക്കുന്നു . വര്‍ഷം തോറും ആയിരത്തി അഞ്ഞൂറോളം തൂക്ക നേര്‍ച്ച നടക്കുന്ന ഒരേ ഒരു ക്ഷേത്രം ഇതു മാത്രമാണ്.രജിസ്റ്റര്‍ ചെയ്ത തൂക്ക നേര്‍ച്ചകള്‍ നാലാം ഉത്സവ നാളില്‍ നറുക്കെടുപ്പിലൂടെ തൂക്കക്കാരുടെ നമ്പരുകല്‍ ക്രമപ്പെടുത്തുന്നു. തൂക്ക നമ്പരുകള്‍ ലഭിച്ചു കഴിഞ്ഞാല്‍ തൂക്കക്കാര്‍ അടുത്ത 7 ദിവസങ്ങളിലും ക്ഷേത്രത്തില്‍ തന്നെ താമസിച്ചു വൃതമനുഷ്ടിക്കണം .എല്ലാ ദിവസവും തൂക്കക്കര്‍ 2 നെരം ക്ഷേത്രത്തെ വലം വെച്ച് 'നമസ്കരം ' ചെയ്യണം .
              തൂക്ക്ക്കാര്‍ പട്ടും പച്ചയുമാണ്, ഈ ദിവസങ്ങളില്‍ ധരിക്കേണ്ടത്. എല്ലാ ദിവസവും രാത്രി ദേവി ക്ഷേത്രത്തെ വലം വെച്ച് എഴുന്നള്ളുന്നു.എല്ലാ ദിവസങ്ങളിലും വിവിധ കലാപരിപാടികളും കഥകളി,ഓട്ടന്‍തുള്ളല്‍ ,ചക്യാര്‍കൂത്ത്,ഹരികഥ തുടങ്ങിയ ക്ഷേത്രകലകളും മത,സാംസ്കാരിക സമ്മേളനങ്ങളുമൊക്കെയായി ഒരു നാട്ടിന്റെ പൊതു ഉത്സവായി തന്നെ ഇതു നടന്നു വരുന്നു.
           ഒമ്പതാം ഉതസവ ദിനത്തില്‍ (അശ്വതി നക്ഷത്രം )പ്രസിദ്ധമായ 'വണ്ടിയോട്ടം ' നടക്കുന്നു. തൂക്ക വില്ലിന്റേയും രഥത്തിന്റേയും പ്രവര്‍ത്തന ക്ഷമത ഉറപ്പു വരുത്തുന്നതിനു വേണ്ടിയാണ്, ഇതു നടത്തി വരുന്നത്. ഈ ദിനത്തില്‍ തന്നെ കൊല്ലങ്കോടിന്റെ തീര പ്രദേശങ്ങളില്‍ നിന്നും ഹിന്ദു അരയ സമുദായക്കാരുടെ ഗംഭീരമായ കാവടി ഘോഷയാത്രയും നടന്നുവരുന്നു. വളരെയധികം നയനമനോഹരമായ ഒരു കാഴ്ചയാണ്, ഇതു ഭകത ജനങ്ങള്‍ക്ക് സമ്മാനിക്കുന്നത്.
                 പത്താം ഉത്സവ ദിനമായ ഭരണി നക്ഷത്രത്തില്‍ രാവിലെ തൂക്കക്കര്‍ സഗര സ്നാം ചെയ്തു ക്ഷേത്രത്തിലെത്തി നമ്സകരമ്ചെയ്യുന്നു. ദേവി പച്ചപ്പന്തലിലേക്ക് എഴുന്നള്ളുന്നു.6 മണി മുതല്‍ ചരിത്ര പ്രസിദ്ധമായ തൂക്ക മഹോത്സവം ആരംഭിക്കുന്നു. ഭക്തജന പ്രവാഹത്തിലാറാടി തിമിര്‍ക്കുന്ന കൊല്ലങ്കോടിനെയാണ്, പിന്നെ നമുക്ക് കാണാനാവുക.ഇതിയായി തൂക്കക്കാര്‍ കച്ചേരിനട കീഴ്വിളാകം തറവാട്ടില്‍ നിന്നും ഒരുങ്ങി ഘോഷയാത്രയായി വെങ്കഞ്ഞി ക്ഷേത്രത്തിലേക്ക് പോകുന്നു. 1500 ഓളം തൂക്ക നേര്‍ച്ചയുള്ളതിനാല്‍ രാത്രി 2 മണിയോടെ മാത്രമെ തൂക്ക നേര്‍ച്ച അവസാനിക്കുകയുള്ളു.
തൂക്ക നേര്‍ച്ച അവസാനിച്ചതിനു ശേഷം വില്ലിന്‍ മൂട്ടില്‍ കുരുതി നടക്കുന്നു. പ്രാകൃതമായ ജന്തു ബലിയില്‍ നിന്നും വ്യത്യസ്തമായി കുമ്പളങ്ങ മുറിച്ചാണ്, ഇവിടെ കുരുതി നടത്തുന്നത്. അദുത ദിവസം വരവു ചെലവുകളൊക്കെ തിട്ടപ്പെടുത്തിയ ശേഷം വിഅകുന്നേരത്തോടെ ദേവി മൂലക്ഷേത്രത്തില്‍ (വട്ടവിള മുടിപ്പുര) എഴുന്നള്ളുന്നതൊടെ തൂക്ക മഹോതവം പ്ര്യവസാനിക്കുന്നു.

കൊല്ലങ്കോട് മീനഭരണി തൂക്ക മഹോതസവത്തിന്റെ യൂ ട്യൂബ് ദൃശ്യം ഇവിടെ കാണാം .

കാവുകളുടെ നാട്

2010-01-03T00:26:00.003+04:00

കൊല്ലങ്കോടിന്റെ പ്രക്രതി സൌന്ദര്യത്തിലെ ഒരു പ്രധാന പങ്കു വഹിക്കുന്നത് ഇവിടത്തെ കാവുകള്‍ കൂടിയാണെന്നു പരയുന്നതില്‍ തെറ്റില്ല. നിരവധി കാവുകള്‍ ഈ കൊചു ഗ്രാമത്തില്‍ അങ്ങിങ്ങോളമായി കാണാം .ചെറിയ ചെറിയ കാവുകളാണെങ്കില്‍ പോലും അവ ഈ ഗ്രാമതിന്റെ ഐശ്വര്യവും ,സൌഭാഗ്യവുമാണെന്ന്തില്‍ തര്‍ക്കമില്ല.

ഇതില്‍ എറ്റവും പ്രധാനപ്പെട്ടതാണ്, മുപ്പുറം കാവ്.

മുപ്പുറം കാവിനെ കുറിച്ചുള്ള ഈ ബ്ലോഗിലെ വിവരണം ഇവിടെ വായിക്കാം .

ഇതുകൂടതെയും നിരവധി കാവുകള്‍ കൊല്ലങ്കോട്ടിലുണ്ട്.

അതില്‍ ചില പ്രധാനപ്പെട്ടവ.

1. ചാത്തറ കാവ്

കൊല്ലങ്കോട് വട്ടവിള മുടിപ്പുരയില്‍ നിന്നും വയലോരത്തു കൂടി കാക്കവിളയിലെക്കു പോകുന്ന പാതയിലൂടെ ഒരു കിലോമീറ്റര്‍ ദൂരം ചെന്നാല്‍ ചാത്തറ കാവിലെത്താം . പ്രക്രതി ഭംഗി നിറഞ്ഞ ഈ കാവിനടുത്തായി ഉപദേവതകള്‍ക്കായി ക്ഷേത്രങ്ങളും നിര്‍മ്മിച്ചിട്ടുണ്ട്. കൊല്ലങ്കോടിലെ പ്രശസ്തമായ നായര്‍ തറവാടുകളില്‍ ഒന്നായ ചാത്തറ തറവാടിന്റെ കുടുംബ ക്ഷേത്രമാണിത്.

2.അയിത്തി കാവ്

പ്രക്രതിയുടെ ശാലീന സൌന്ദര്യം അനുഗ്രഹിച്ച ഒരു സ്ഥലമാണ്, അയിത്തി കാവ് എന്നു പറഞ്ഞാല്‍ അത് അതിശയോക്തി ആവില്ല. പ്രശസ്തമായ പഴയ അയിത്തി തറവാടിനടുത്തായിട്ടാണ്, ഇതു സ്ഥിതി ചെയ്യുന്നത്. നാഗ ദേവതയാണ്, ഇവിടത്തെ പ്രതിഷ്ഠ. കൊല്ലങ്കോട് വട്ടവിള മുടിപ്പുരയില്‍ നിന്നും അതിനടുത്തുള്ള തോട്ടിന്‍ കരയിലൂടെ കുറച്ചു ദൂരം നടന്നാല്‍ അയിത്തി കാവില്‍ എത്തി ചേരാം .ഇതിനടുത്തായി കാര്‍ഷികാവശ്യങ്ങള്‍ക്ക് ഉപയോഗിക്കുന്ന ഒരു മനോഹരമായ കുളവുമുണ്ട്(അയിത്തി കുളം ). പെരുങ്കുളം എന്ന പേരില്‍ മറ്റൊരു വലിയ കുളവും ഇതിനടുത്തായിട്ടുണ്ട്.മകര മാസത്തിലെ ആയില്യം നക്ഷ്ത്രത്തിലാണ്, ഇവിടത്തെ പ്രധാന ആഘോഷം .

വെള്ളംകൊള്ളി കാവ്

കോല്ലങ്കോട് പോലീസ് സ്റ്റേഷന്‍ ,ടീം കമ്പ്യൂട്ടര്‍ സെന്റര്‍ എന്നിവയ്ക്കടുത്തയി പ്രധാന പാതയില്‍ നിന്നും അല്പം ഉള്ളിലായി, ചുണ്ടവിളയ്ക്കടുത്താണ്, വെള്ളംകൊള്ളി കാവ് സ്ഥിതി ചെയ്യുന്നത്. വ്രിക്ഷ ലദാതികലാല്‍ നിറഞ്ഞ ഒരു ഇരുണ്ട പ്രദേശമാണിത്. കാവിനുള്ളില്‍ മനോഹരമായ ഒരു പഴയ ക്ഷേത്രവും കാണാം .

നടുവത്തു മുറി കാവ്

കണ്ണനാഗത്തില്‍ നിന്നും വെങ്കഞ്ഞി മുടിപ്പുരയിലേക്കു പോകുന്ന വഴിയില്‍ നടുവത്തുമുറി കാവ് സ്ഥിതി ചെയ്യുന്നു. മറ്റു കാവുകളെ അപേക്ഷിച്ച് വൃക്ഷലതാദികള്‍ കുറവാണെങ്കിലും പൌരാണിക പ്രൌഡി ഇന്നും വിളിച്ചോതുന്ന ഒരു കാവാണിത്.

കല്ലി കാവ്

തിരുമന്നം ജംഗ്ഷനും പൊഴുയൂരിനുമിടയില്‍ താരതമ്യേന ജനവാസം കുറവായ ഒരു പ്രദേശത്താണ്, കല്ലി കാവ് സ്ഥിതി ചെയ്യുന്നത്.

തിരുമന്നം കാവ്

തിരുമന്നം ജംഗ്ഷനില്‍ നിന്നും ശാസ്താനഗറിലേക്ക് പോകുന്ന ഭാഗത്തിലായിട്ടാണ്, മനോഹരമായ തിരുമന്നം കാവ് സ്ഥിതി ചെയ്യുന്നത്. അയ്യപ്പ സ്വാമിയാണ്, ഇവിടത്തെ മുഖ്യ പ്രതിഷ്ഠ. മുന്പ് തിരുമന്നം മഠത്തിന്റെ മേല്നോട്ടത്തിലാണ്, ഈ കാവ് നിലനിന്നിരുന്നത്. ഇപ്പോല്‍ നാട്ടുകാരുടെ കൂടി സഹകരണത്തോടെ ഇവിടെ പൂജ നടന്നു വരുന്നു.

(തുടരും ...)

കൊല്ലങ്കോട് ദേവി എഴുന്നള്ളത്ത്

2009-12-03T11:18:00.007+04:00

മീനഭരണീ തൂക്ക മഹോത്സവത്തിന്റെ ആദ്യ നാളില്‍ ദേവി വട്ടവിള ക്ഷേത്രത്തില്‍ നിന്നും ഗജരാജ അകമ്പടിയോടെ വെങ്കഞ്ഞി ക്ഷേത്രത്തിലേക്ക് ഘോഷയാത്രയായി എഴുന്നള്ളുന്നു.ഈ ഘോഷയാത്ര വട്ടവിള ക്ഷേത്രത്തില്‍ നിന്നും രാവിലെ ആരംഭിക്കുന്നു.ഈ ഘോഷയാത്ര ആദ്യം പുറക്കാല്‍ ഭവനത്തിലേയ്ക്ക് എത്തുന്നു. വട്ടവിള ദേവീ ക്ഷേത്രത്തിന്റെ തൊട്ടടുത്തായി സ്ഥ്തി ചെയ്യുന്ന പുറക്കാല്‍ ഭവനത്തിലെ കിണറ്റില്‍ നിന്നാണ്, ദേവി അടയ്ക്കാ രൂപത്തില്‍ ഉത്ഭവിച്ചത്, എന്നാണ്, ഐതിഹ്യം . ഇവിടെ അലങ്കരിച്ച പച്ചപ്പന്തലില്‍ ഇറക്കി പൂജ സ്വീകരിച്ച ശേഷം ,കൈതിനട വഴി,കണ്ണന്‍ കുളം വഴി അന്ചുമുക്കിന്‍ കരിവയല്‍ സന്ദര്‍ശിക്കുന്നു.അവിടത്തെ പൂജക്കു ശേഷം അതിനടുത്തുള്ള ബ്രാഹ്മണ മഠത്തില്‍ ഇറക്കി പൂജ സ്വീകരിക്കുന്നു.അവിടെ നിന്നും ശാസ്താനഗര്‍ (പേട്ടാക്കട) ഇമ്പീരിയല്‍ കമ്പനി വഴി തിരുമന്നം ജംഗ്ഷനില്‍ എത്തി ചേരുന്നു.അവിടെ അതിമനോഹരമായ രീതിയിലുള്ള ഒരു പച്ച പന്തല്‍ ഒരുക്കിയിരിക്കും . അവിടെയും ഇറക്കി പൂജ നടക്കുന്നു.ഇതു കൂടാതെ എല്ല വര്‍ഷവും ഇതിനോടനുബന്ധിച്ച് ഇവിടെ അന്നദാനവും നടത്തി വരുന്നുണ്ട്.

ഈ സ്ഥലങ്ങളില്‍ നടക്കുന്ന ഇറക്കി പൂജ കൂടതെ എല്ല ഹൈന്ദവ ഭവനങ്ങലുടേയും മുന്‍വശം വ്രിത്തിയാക്കി അലങ്കരിച്ച് ദേവിക്ക് തട്ടപ്പൂജ സമര്‍പ്പിച്ചു വരുന്നുണ്ട്. ഘോഷ യാത്ര നടക്കുന്ന പ്രദേശങ്ങള്‍ ആര്‍ .എസ്സ്.എസ്സിന്റേയും നാട്ടുകാരുടെയും നേത്രുത്വത്തില്‍ തോരണങ്ങളും ആലക്തിക ദീപങ്ങളും കൊണ്ട് മനോഹരമാക്കി തീര്‍ക്കുന്നുണ്ട്.

തിരുമന്നം ജംഗ്ഷനിലെ ഇറക്കി പൂജ കഴിഞ്ഞു ദേവി വട്ടവിള മൂലക്ഷേത്രഥ്റ്റിലേയ്ക്ക് എഴുന്നള്ളി എത്തുന്നതോടെ ഘോഷയാത്രയുടെ ഒന്നം ഘട്ടം അവസാനിക്കുന്നു. തുടര്‍ന്ന് വിഭവസമ്രിദ്ധമായ സദ്യ വട്ടവിള ക്ഷേത്രത്തില്‍ ഭക്തജനങ്ങള്‍ക്കായി ഒരുക്കുന്നു.

വൈകുന്നേരം ഘോഷയാത്രയുടെ രണ്ടാം ഘട്ടം വട്ടവിള ക്ഷേത്രത്തില്‍ നിന്നും ആരംഭിക്കുന്നു. ഇത് കണ്ണനാഗം ജംഗ്ഷന്‍ വഴി ശ്രീദേവി ഹയര്‍ സെക്കണ്ടറി സ്കൂളില്‍ എത്തിച്ചേരുന്നു. അവിടെ ദേവിക്ക് ഇറക്കി പൂജ അര്‍പ്പിക്കുന്നു. ഈ ഘോഷയാത്രയില്‍ ശ്രീദേവി സ്കൂളിലെ വിദ്യാര്‍ത്ഥിനികള്‍ താലപ്പോലിയോടു കൂടി ദേവിക്ക് അകമ്പടി സേവിക്കുന്നു.ശ്രീദേവി സ്കൂളില്‍ നിന്നും തിരിച്ചു കണ്ണനാഗത്തെത്തി അവിടത്തെ ചില പ്രാന്ത പ്രദേശങ്ങള്‍ കൂടി സന്ദര്‍ശിച്ച് ദേവി കണ്ണനാഗത്തെ പ്രശസ്തമായ നാഗരാജക്ഷേത്രത്തില്‍ ഇറക്കി പൂജ സ്വീകരിക്കുന്നു.കണ്ണനാഗം മുതല്‍ വെങ്കഞ്ഞി ക്ഷേത്രം വരെയുള്ള സ്ഥലങ്ങള്‍ ഇതിനുള്ളില്‍ തന്നെ ജന നിബിഡമായി തീര്‍ന്നിരിക്കും .ആഘോഷ തിമിര്‍പ്പിലമരുന്ന ഈ സ്ഥലങ്ങള്‍ ആലക്തിക ദീപാവലിയില്‍ നീരാടി തിമിര്‍ക്കും .

ഇവിടെ നിന്നും ദേവി നടുവത്തുമുറി വഴി ഇലമ്പാലമുക്ക് ശ്രീ മഹാദേവ ക്ഷേത്രത്തില്‍ എത്തിച്ചേരുന്നു. അവിടെയും ഇറക്കി പൂജ സ്വീകരിക്കുന്നു.

ഭക്ത സഹസ്രങ്ങളെക്കൊണ്ട് ഈ പ്രദേശം നിറയുന്ന ശുഭ മുഹൂര്‍ത്തങ്ങള്‍ക്കാണ്, പിന്നീട് കൊല്ലങ്കോട് സാക്ഷിയാകുന്നത്. മഹാദേവക്ഷേത്രത്തില്‍ നിന്നും നേരെ ഗവണ്‍മെന്റ് ഹയര്‍ സെക്കണ്ടറി സ്കൂള്‍ വഴി ദേവി വെങ്കഞ്ഞി മുടിപ്പുരയില്‍ എത്തിച്ചേരുന്നു. ആവിടെ മൂന്നു തവണ ക്ഷേത്രത്തെ പ്രദക്ഷണം ചെയ്തു ദേവി ക്ഷേത്രത്തിനുള്ളിലേയ്ക്ക് പ്രവേശിക്കുന്നു. തുടര്‍ ന്ന് ദേവസ്വം മേല്‍ ശാന്തിയുടെ മേല്‍നോട്ടത്തില്‍ ഉത്സവത്തിന്റെ ഉത്ഘാടനമെന്നോണം 'ത്രിക്കൊടിയേറ്റ്' നടക്കുന്നു. തുടര്‍ന്ന് 10 ദിവസവും വിപുലമായ അഘോഷ പരിപാടികളും പത്താം ദിവസം ഐതിഹാസികമായ തൂക്ക മഹോത്സവവും നടക്കുന്നു.

കൊല്ലങ്കോട് ദേവി എഴുന്നള്ളത്തിന്റെ യൂ ട്യൂബ് ദ്രിശ്യങ്ങള്‍ ചുവടെ ചേര്‍ക്കുന്നു.

Read it in English

കണ്ണനാഗം

2009-11-15T20:14:00.007+04:00

കൊല്ലങ്കോട്ടിലെ ഏറ്റവും പ്രധാനപ്പെട്ട ഒരു സ്ഥലമാണ്, കണ്ണനാഗം എന്നു പറയുന്നതില്‍ തെറ്റില്ല. ഊരമ്പ് കഴിഞ്ഞാല്‍ കൊല്ലങ്കോട്ടിലെ പ്രധാന വാണിജ്യ കേന്ദ്രവും ഇതു തന്നെയാണ്.


   ഊരംബ് -പാറശ്ശാല ,പഴയ ഉച്ചക്കട ,നിദ്രവിള,മാര്‍ത്താണ്ഡം തുറ ‍എന്നിവിടങ്ങളിലെക്കായി പോകുന്ന റോഡുകളുടെ ഒരു നാല്‍ക്കവലയാണ്കണ്ണനാഗം . കൊല്ലംകോട്ടിലെ രാഷ്ട്രീയ പ്രസ്ഥാനങ്ങളുടെയും ആസ്ഥാനവും ഇവിടെയാണ് . ഇവിടത്തെ പ്രധാന വണിജ്യ സമുച്ചയമാണ്, ചൊതി ശ്രീ ഷോപ്പിങ് കോംപ്ലക്സ്. സ്റ്റേറ്റ് ബാങ്ക് ഓഫ് ട്രാവങ്കൂറിന്റെ കൊല്ലങ്കോട് ശാഖ സ്ഥിതി ചെയ്യുന്നതു ഇവിടെയാണ്. ഇതു കൂടാതെ മുത്തൂറ്റ് ഫൈനാന്‍സ്,നിരവധി സ്റ്റോറുകള്‍ , കമ്പ്യൂട്ടര്‍ ബ്രൌസിങ് സെന്റര്‍ ,ചെറിയ ലോഡ്ജ് എന്നിവയെല്ലാം ഈ വാണിജ്യ സമുച്ചയത്തില്‍ ഉണ്ട്.ഇതിനടുത്തായി ഒരു കല്യാണമണ്ഡപത്തിന്റെ നിര്‍മ്മാണ പ്രവര്‍ത്തനങ്ങള്‍ നടന്നു വരുന്നു.നിരവധി കമ്യൂനിക്കേഷന്‍ നെറ്റ് വര്‍ക്കുകളുടെ ടവറുകള്‍ തിങ്ങി ഞെരുങ്ങി നില്‍ക്കുന്ന കാഴ്ച അല്പം അലോസരമുണ്ടാക്കുന്നുവെന്ന് പറയാതെ വയ്യ.

കൊല്ലങ്കോട്ടിലെ പ്രധാന ബസ്സ്റ്റോപ്പും കണ്ണനാഗത്താണ്.      തിരുവനന്തപുരം,എറണാകുളം,നെയ്യറ്റിന്‍കര,പൂവ്വാര്‍,പാറശ്ശാല,കളിയക്കവിള, മാര്‍ത്താണ്ഡം ,നാഗര്‍കോവില്‍ ,മധുര, ചെന്നൈ എന്നിവിടങ്ങളിലേയ്ക്ക് KSRTC,TNTC എന്നിവയുടെ ബസ് സര്‍വീസ് ഇവിടെ നിന്നും ലഭ്യമാണ്. കൂടാതെ അനവധി സ്വകാര്യ വാഹനങ്ങളും സര്‍വീസ് നടത്തി വരുന്നു.

       കണ്ണനാഗം എന്ന പേരു ഉണ്ടായതിന്റെ പിന്നിലും ഒരു ചെറു കഥയുണ്ട്. ശ്രീ സജീവ് കൊല്ലങ്കോടിന്റെ അഭിപ്രായത്തില്‍ : ഈ സ്ഥലത്ത് പണ്ട് ഒരു വല്യ കാവ് ഉണ്ടായിരുന്നു. കാവിനുള്ളില്‍ പ്രശസ്തമായ ഒരു നാഗരാജാ ക്ഷേത്രവും ഉണ്ടായിരുന്നു. ആ കാവില്‍ വിശേഷപ്പെട്ട ഒരു നാഗം ഉണ്ടായിരുന്നുവത്രേ. ആ നാഗത്താന്, അധികമായി ഒരു വിശേഷപ്പെട്ട കണ്ണും ഉണ്ടായിരുന്നുവത്രേ. ആ നാഗത്തിനെ' കണ്ണ നാഗം' എന്നു വിളിച്ചിരുന്നു. കാലക്രമേണ കണ്ണ നാഗം ജീവിച്ചിരുന്ന ഈ സ്ഥലത്തെ കണ്ണനാഗം എന്നു വിളിച്ചു തുടങ്ങി. കണ്ണനാഗം ജംഗ്ഷനില്‍ നിന്നും വെങ്കഞ്ഞി മുടിപ്പുരയിലേയ്ക്ക് പോകുന്ന വഴിയില്‍ റോഡിനരികിലായി ഇപ്പോഴും ആ കാവു കാണാം .

      അനുദിനം വികസനം നടന്നു കൊണ്ടിരിക്കുന്ന ഒരു സ്ഥലമാണിത് എന്നു പ്രത്യേകം എടുത്തു പറയേണ്ടതുണ്ട്. കൊല്ലങ്കോട് പന്ചായത്തിന്റെ 4, 8,9 വാര്‍ഡുകള്‍ കണ്ണനാഗത്തില്‍ ഉള്‍പ്പെടുന്നു.ഇതില്‍ 4,9 വാര്‍ഡുകള്‍ ബി.ജെ.പിയും 8 അം വാര്‍ഡ് സി.പി.എമുമാണ്, ഭരിക്കുന്നത്.

കണ്ണനാഗത്തില്‍ നിന്നും ഏകദേശം 300 മീ അകലെ കൊല്ലങ്കോട് പോലീസ് സ്റ്റേഷനരികിലായി ടീം കമ്പ്യൂട്ടര്‍ സെന്ടര്‍(Team computer center ) സ്ഥിതി ചെയ്യുന്നു. ഇത് അനേകം വിദ്യാര്‍ത്ഥികള്‍ക്ക് കമ്പ്യൂട്ടര്‍ വിജ്ഞാനം പകര്‍ന്നു നല്‍കുന്നു.കല്ലുവെട്ടാങ്കുഴി എന്ന് ഈ സ്ഥലത്തെ വിളിച്ചു വരുന്നു. കൊല്ലങ്കോട് വില്ലേജ് ഒഫീസ്,ചന്ത,കുടിവെള്ള സംഭരണി,പൊലീസ് ക്വാട്ടേര്‍സ് എന്നിവയും ഈ സ്ഥലത്താണുള്ളത്.

     തൊഴിലാളികളും,വിദ്യാര്‍ത്ഥികളും,കച്ചവടക്കാരും,യാത്രക്കാരും,ഷോപ്പിങ്ങിനെത്തുന്നവരും,ഒക്കെ ചേര്‍ന്നു കണ്ണനാഗത്തിനെ എപ്പൊഴും ജനത്തിരക്കുള്ള പ്രദേശമാക്കി തീര്‍ക്കുന്നു.

ഇളമ്പാലമുക്ക് മഹാദേവര്‍ ക്ഷേത്രം

2009-11-14T16:13:00.009+04:00

കൊല്ലങ്കോട് വെങ്കഞ്ഞി ശ്രീ ഭദ്രകാളി ക്ഷേത്രതിന്റെ അടുത്തായിട്ടാണ്, ഇളമ്പാലമുക്ക് മഹാദേവര്‍ ക്ഷേത്രം സ്ഥിതി ചെയ്യുന്നത്. കൊല്ലങ്കോട് കണ്ണനാഗം ജംഗ്ഷനില്‍ നിന്നും ഒരു കിലോമീറ്റര്‍ ദൂരം സന്ചരിച്ചാല്‍ മഹാദേവ ക്ഷേത്രത്തിലെത്താം . ക്ഷേത്രത്തിന്റെ തൊട്ടടുത്തായി കൊല്ലങ്കോട് ഗവണ്മെന്റ് ഹയര്‍ സെക്കന്ററി സ്കൂളും കൊല്ലങ്കോട് വെന്കഞ്ഞി ശ്രീ ഭദ്രകാളി ക്ഷേത്രവും സ്ഥിതി ചെയ്യുന്നു.വളരെ അധികം പ്രക്രതി രമണീയമായ സ്ഥലത്താണ് ഈ ക്ഷേത്രം സ്ഥിതി ചെയ്യുന്നത്. ശിവരാത്രി മഹോത്സവം വളരെ കേന്കെമാമായി ഇവിടെ ആഘോഷിച്ചു വരുന്നു.
     വളരെ കാലമായി ,അവഗണന നേരിട്ടിരുന്ന ഈ ക്ഷേത്രം ഈ അടുത്ത കാലത്തായി നാട്ടുകാരുടെ സഹകരണം മൂലം പുനരുധീകരിക്കപ്പെട്ടു. നാലംബലത്തോട്‌ കൂടിയ ഈ ക്ഷേത്രം പൌരാണീക സംസ്കാരം ഒട്ടും ചോര്‍ന്നു പോകാത്ത വിധം വളരെ മനോഹരമായിട്ടാണ് പുനരുദ്ധീകരിചിട്ടുള്ളത്.
   ഇവിടെ മഹാദേവന്‍ മുഖ്യ പ്രതിഷ്ടയും ,ഗണപതി,നാഗ ദൈവങ്ങള്‍ എന്നീ ഉപ പ്രതിഷ്ടകളുമുണ്ട്.
കൊല്ലങ്കോട് മീനഭരണി തൂക്ക മഹോത്സവം നടക്കുന്ന വെങ്കഞ്ഞി മുടിപ്പുരയുടെ അടുത്തു സ്ഥിതി ചെയ്യുന്നതിനാല്‍ ആ സമയത്ത് ഈ ക്ഷേത്രത്തിലും വന്‍ ഭക്ത ജന തിരക്കു ഉണ്ടാവാറുണ്ട്. തൂക്ക മഹോത്സവത്തോടനുബന്ധിച്ചു നടക്കുന്ന 'കുത്തിയോട്ടം ', 'താലപ്പൊലി' നേര്‍ച്ചകള്‍ ഇവിടെ നിന്നാണ്, ആരംഭിക്കുന്നത്.
ഈ ക്ഷേത്രം സ്ഥിതി ചെയ്യുന്ന ഇളമ്പാലമുക്ക് മുക്കവലയില്‍ നിന്നും ,നിദ്രവിള,കണ്ണനാഗം ,വള്ളവിള എന്നിവിടങ്ങളിലേക്ക് റോഡ് മാര്‍ഗ്ഗം സന്ചരിക്കാം .
   ഈ ക്ഷേത്രത്തിനടുത്ത് മുമ്പ് അനേകം പെര്‍ക്ക് തൊഴില്‍ ലഭിച്ചിരുന്ന ഒരു നെയ്ത്തു ശാല പ്രവര്‍ത്തിച്ചിരുന്നു. ഇപ്പൊള്‍ നിര്‍ഭാഗ്യവശാല്‍ അതു പ്രവര്‍തിക്കുന്നില്ല.
   എല്ലാ ഞായറാഴ്ചയും ഇവിടെ കുട്ടികള്‍ക്കായുള്ള മതപാഠശാല പ്രവര്‍ത്തിച്ചു വരുന്നുണ്ട്. അതു പോലെ തന്നെ എല്ലാ തിങ്കളാഴ്ചയും പ്രത്യേകം ഭജനയും നടക്കുന്നുണ്ട്.
     ABC മെട്രിക്കുലേഷന്‍ സ്കൂളും , സര്‍ക്കാര്‍ വനിത ഹോസ്റ്റലും ഇതിനടുത്തായി പ്രവര്‍ത്തിച്ചു വരുന്നു.

ഇലമ്പാലമുക്ക് മഹാദേവ ക്ഷേത്രതില്‍ നടന്ന കുംഭാഭിഷേകം ഇവിടെ കാണാം

ശ്രീ ദേവി ഗേള്‍സ് ഹയര്‍ സെക്കണ്ടറി സ്കൂള്‍ ,കൊല്ലങ്കോട്(Sree Devi Girls Higher Secondary School,kollemcode)

2009-11-13T18:45:00.004+04:00

       പെണ്‍കുട്ടികള്‍ക്കു മാത്രമായിട്ടുള്ള കൊല്ലങ്കോട്ടിലെ ഏക വിദ്യാലയമാണ്, ശ്രീ ദേവി ഗേള്‍സ് ഹയര്‍ സെക്കണ്ടറി സ്കൂള്‍ . അതിമനോഹരമായ ഒരു ക്യാമ്പസ് ,ഈ വിദ്യലയത്തിനുണ്ട്. ശ്രീ ഭദ്രകാളി ദേവസ്വത്തിന്റെ ഭരണത്തിന്‍ കീഴിലാണ്, ഇതു നില കൊള്ളുന്നത്.മലയാളം ,തമിഴ്,ഇംഗ്ലീഷ് ഭാഷകളില്‍ ഇവിടെ അദ്ധ്യയനം നടത്തി വരുന്നു. കൊല്ലങ്കോട് ശ്രീ ഭദ്രകാളി ക്ഷേത്രത്തില്‍ നിന്നും ഏകദേശം 500 മീ. ദൂരത്തിലാണ് ഈ വിദ്യാലയം സ്ഥിതി ചെയ്യുന്നത്. മുപ്പുറം കാവും ഈ വിദ്യാലത്തിന്റെ തൊട്ടടുത്താണ്.ഈ വിദ്യാലയത്തിനോടു ചേര്‍ന്ന്‍ ഒരു പ്രൈമറി സ്കൂളും സ്ഥിതി ചെയ്യുന്നുണ്ട്.
          മലയാളം തമിഴ് എന്നിവ പ്രധാന മാധ്യമങ്ങളായതിനാല്‍ കേരളത്തിലേയും തമിഴ്‌ നാട്ടിലേയും വിദ്യാര്‍ത്ഥികള്‍ ഒരു പോലെ ആശ്രയിക്കുന്ന ഒരു വിദ്യാലയമാണിത്.
         തൂക്ക മഹോത്സവത്തോടനുബന്ധിച്ചുള്ള ഘോഷ യാത്രയില്‍ ദേവി ഇവിടെ സന്ദര്‍ശിച്ച് ഇറക്കി പൂജ സ്വീകരിക്കുന്നു.
          കൊല്ലങ്കോട്ടിലെ പ്രധാന സ്ഥലമായ കണ്ണനാഗം ജംഗ്ഷനു സമീപത്താകയാല്‍ വിദ്യാര്‍ത്ഥികള്‍ക്ക് യാത്രാ സൌകര്യവും ക്ലേശകരമല്ല.അതി വിശാലമായ ഒരു മൈതാനവും ഈ വിദ്യാലയ കാമ്പസിനുള്ളില്‍ ഉണ്ട് . സമുദ്രത്തിനു ഒരു കി.മി. അടുത്ത് സ്ഥിതി ചെയ്യുന്നതിനാല്‍ മണല്‍ പരവതാനി വിരിച്ച വിദ്യാലയ അങ്കണം നമുക്കിവിടെ കാണാം. ഇതിനടുത്തുള്ള പ്രൈമറി സ്കൂളില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രവേശനമുണ്ട്. ധാരാളം തണല്‍ മരങ്ങളും കശുമാവിന്‍ തോട്ടവും ഈ കാമ്പസിനുള്ളില്‍ ഉണ്ട്.
         കൊല്ലങ്കോട് ഗവണ്മെന്റ് ഹയര്‍ സെക്കന്ററി സ്കൂള്‍ കഴിഞ്ഞാല്‍ ഈ ഗ്രാമത്തിലെ ഏറ്റവും പ്രധാനപെട്ട വിദ്യാലയം ശ്രീ ദേവി ഗേള്‍സ്‌ ഹയര്‍ സെക്കന്ററി സ്കൂള്‍ തന്നെയാണ്. ജില്ല തലത്തിലും സംസ്ഥാന തലത്തിലും റാങ്കു നേടിയ അനവധി വിദ്യാര്‍ഥികള്‍ ഇവിടെ ഉണ്ടായിട്ടുണ്ട്. 30 വര്‍ഷത്തിലേറെ പഴക്കമുള്ള ഒരു വിദ്യാലയമാണിത്. വിദ്യാര്‍ത്ഥികളുടെ സുരക്ഷക്ക് മനെജ്മെന്റ്റ്‌ വലിയ പ്രാധാന്യം നല്‍കി വരുന്നുണ്ട്.
          കൊല്ലങ്കോട് ശ്രീ ഭദ്രകാളി ദേവസ്വത്തിന്റെ ജനോപകാര പ്രദമായ നിരവധി സംരംഭങ്ങളില്‍ വളരെ പ്രാധാന്യം അര്‍ഹിക്കുന്ന ഒരു മഹത സംരംഭം തന്നെയാണ് ഈ വിദ്യാലയം.

കൊല്ലങ്കോട് ദേവി ഭക്തി ഗാനങ്ങള്‍

2009-11-02T15:00:00.010+04:00

കൊല്ലങ്കോട് ദേവിയുടെ ഭകതി സാന്ദ്രമായ നിരവധി ഗാനങ്ങളുടെ ശേഖരമാണ്, ഇവിടെ ഒരുക്കിയിരിക്കുന്നത്. ഇനിയും ലഭ്യമാകുന്ന മുറയ്ക്ക്‌ ഗാനങ്ങള്‍ ചേര്‍ക്കുന്നതാണ് .

വിഭാത രശ്മി...
(വിഭാത രശ്മി വിളക്കില്‍ തെളിഞ്ഞു
പ്രഭാമയിക്ക് ആരതിയായി )

പങ്കേരുഹാക്ഷിയാം ...

കൊല്ലങ്കോട്ടമ്മേ ശ്രീ ഭദ്രകാളീ.....

കൊല്ലങ്കോടമ്മേ ദേവി...

കൊല്ലങ്കോട്ടുണ്ടൊരമ്മ...

വട്ടവിള ഗണപതിക്ക് കേരമുടച്ചു
(വട്ടവിള ഗണപതിക്ക്‌ കേരമുടച്ചു
കൊല്ലങ്കോട്ടു ദേവിയെ മനസിലുറച്ചു )

ദേവ ദേവ നന്ദിനി..

മാതംഗ കന്യകേ...

അത്താഴ പൂജയ്ക്കു ശേഷമെന്‍ ...

കാളീ ഭദ്ര കാളീ....

വട്ടവിള കോവിലില്‍

അമ്മേ ദേവി ശരണം

ചെമ്പഴുക്ക ചേലിലന്നു...

അത്താഴ പട്ടിണി ആണെങ്കിലും ഞാന്‍ ...
(അത്താഴ പട്ടിണി ആണെങ്കിലും ഞാന്‍
അത്താഴ പൂജ മുടക്കുകില്ല)

മകര സൂര്യനുദിച്ചു

മീനഭരണിയെത്തി തൂക്ക മഹോത്സവമായി..

പ്രവാസലോകം - കൊല്ലങ്കോട്

2009-10-31T19:42:00.005+04:00

കൊല്ലങ്കോട്ടിലെ പ്രവാസികളായ സുഹൃത്തുക്കളെ തമ്മില്‍ ബന്ധിപ്പിക്കാനൊരു ശ്രമം . പ്രവാസികളായ കൊല്ലങ്കോട്ടുകാരില്‍ നിന്നും തങ്ങളുടെയോ തങ്ങള്‍ക്ക്‌ അറിയാവുന്ന മറ്റുള്ളവരുടെയോ ഫോണ്‍ നമ്പര്‍ ഉള്‍പ്പെടുന്ന വിവരങ്ങള്‍ സ്നേഹപൂര്‍വ്വം ക്ഷണിച്ചു കൊള്ളുന്നു .ഈ പോസ്റ്റിന്റെ അഭിപ്രായം ആയി അയച്ചു തരുക . കുറച്ചു പേരുടെ വിവരങ്ങള്‍ ഈ ബ്ലോഗില്‍ സ്ക്രോളിംഗ് ടെക്സ്റ്റ്‌ ആയി കൊടുത്തിട്ടുണ്ട് . അവ ഉപകാര പ്രധമാണെന്ന് വിശ്വസിക്കുന്നു. ലോകത്തിന്റെ നാനാ ഭാഗങ്ങളില്‍ വസിക്കുന്ന നാട്ടുകാരെ തമ്മില്‍ ബന്ധിപ്പിക്കുന്ന കണ്ണിയായാല്‍ ഈ ബ്ലോഗ്‌ സംരംഭം കൊണ്ട് ഞാന്‍ കൃതാര്‍ഥനായി . ഈ ബ്ലോഗിനെ കുറിച്ചുള്ള നിങ്ങളുടെ അഭിപ്രായം ഇതിന്റെ ഗസ്റ്റ്‌ ബുക്കില്‍ കുറിക്കുക.

സ്നേഹപൂര്‍വ്വം,
രാധാകൃഷ്ണന്‍ ,ദുബായ്‌

ചിലരുടെ വിവരങ്ങള്‍ ചുവടെ ചേര്‍ക്കുന്നു .
U.A.E-രാധാകൃഷ്ണന്‍,വ്ലാവര്‍ത്തല(ദുബായ്)- +971558612055. അരുണ്‍കുമാര്‍,കാടാക്കുറിച്ചി(അബുദാബി)-+971556468914.ഹരികുമാര്‍ ,പൊകിലര്‍ത്തല,മുന്‍ 4 ആം വാര്‍ഡ് മെംബര്‍ (ഫുജൈറ)-+971503625694.ഹരിപ്രസാദ്,പഴിഞ്ഞി(ഷാര്‍ജ)-+971558273127.മണികണ്ഠന്,അയിത്തി(ദുബായ്)-+971557214835.നളിനാക്ഷന്‍ ,കണ്ണനാഗം (അബുദാബി)-+971556409097.സജീവ്,കണ്ണനാഗം (ഷാര്‍ജ)-+971507974817.ജ്യോതിഷ് കണ്ണന്‍ ,മേടവിളാകം (ദുബായ് )-+971504356743,ശങ്കരന്‍ ,അയിത്തി(ദുബായ്)-+971507243985.കുമാര്‍ ,കണ്ണനാഗം (ദുബായ്)-+971503943659. കണ്ണന്‍ (അബുദാബി)-+971556331836. കുട്ടന്‍ , തിരുമന്നം (ദുബായ്)-+971559698152. മണി,മേടവിളാകം -+971557958519. മനോജ്,കണ്ണനാഗം (അബുദാബി)-+971557815344.SAUDI AREBIA-വസന്ത കുമാര്‍ (മണിക്കുട്ടന്‍ ),പഴിഞ്ഞി-+966562175074. രഞ്ജിത്ത് ,പനവിള.സുബാഷ്,ചേനവിളാകം .മുരുകന്‍ ,ചാത്തറ-+966563272796. KUWAIT- സുജൈ ,കിരാത്തൂര്‍ - +9656591018. INDIA-ഗിരീഷ് കുമാര്‍ ,പേരത്തല,അണുക്കോട്(മുംബൈ)-+919967578741.ഹരീഷ്,തിരുമന്നം (ബാംഗ്ലൂര്‍ )-+919986700216.സുരേഷ്,കണ്ണനാഗം (ന്യൂ ഡല്‍ഹി)-+9199994906553

മുപ്പുറം കാവ്

2009-10-07T13:10:00.002+04:00

കൊല്ലങ്കോട് വട്ടവിള ശ്രീ ഭദ്രകാളി ക്ഷേത്രത്തിന്റെ കന്നി മൂല ഭാഗത്തായിട്ടാണു മുപ്പുറം കാവ് ശ്രീ ധര്‍മ്മ ശാസ്താ ക്ഷേത്രം സ്ഥിതി ചെയ്യുന്നത്. ചരിത്ര പരമായി അനവധി പ്രെത്യേകതകളുള്ള ഒരു ക്ഷേത്രമാണിത്.ഇതിനു അനവധി വര്‍ഷങ്ങള്‍ പഴക്കമുണ്ട്. ശ്രീ പരശുരാമനാല്‍ പ്രതിഷ്ഠിക്കപ്പെട്ടതാണിവിടത്തെ പ്രതിഷ്ഠ എന്നു കരുതപ്പെടുന്നു. ശ്രീ ധര്‍മ്മ ശാസ്തവായ അയ്യപ്പനാണു ഇവിടത്തെ പതിഷ്ഠ. ശ്രീമഹാദേവന്,ശ്രീ ഗണപതി,യക്ഷിയമ്മ,നാഗദൈവങ്ങള്‍ എന്നീ പ്രതിഷ്ഠകളുമുണ്ട്. അപൂര്‍വങ്ങളായി നിരവധി വ്രിക്ഷ ലദാദികള്‍ കൊണ്ടു നിറഞ്ഞ മനോഹരമായ ഒരു കാവാണിത്. തിരുവനന്തപുരം വെള്ളയാണി കാഷിക സര്‍വകലാശാലയിലെ ശാസ്ത്രഞ്ജന്മാര്‍ ഇവിടത്തെ അപൂര്‍വയിനം വ്രിക്ഷങ്ങളെ കുറിച്ച് പഠനം നടത്തിയിട്ടുണ്ട്.വളരെക്കാലമായി അവഗണന നേരിട്ടിരുന്ന ഈ ക്ഷേത്രം ഈ അടുത്ത കാലത്തായി നാട്ടുകാരുടെ സഹകരണത്തിലൂടെ പുനഃ പ്രതിഷ്ഠ നടത്തപ്പെട്ടു.കൊല്ലങ്കോട് ശ്രീ ഭദ്രകാളി ക്ഷേത്രത്തില്‍ ദര്‍ശനം നടത്തുന്ന ഭക്ത ജനങ്ങള്‍ ഇവിടെയും സന്ദര്‍ശിച്ചു അനുഗ്രഹം നേടി വരുന്നു.

കൊല്ലങ്കോട് - ചരിത്രം

2009-10-05T15:19:00.001+04:00

കൊല്ലങ്കോട് ഉള്‍പ്പെടുന്ന ഭാഗത്തിന്റെ പ്രാചീന ചരിത്രത്തെ പറ്റി പലരോടും ചോദിച്ചു. ഉചിതമായ മറുപടി ആരില്‍ നിന്നും ലഭിച്ചില്ല. പലര്‍ക്കും അതിനെ പറ്റി അറിയില്ലന്നതാണു സത്യം . അങ്ങനെ അന്വേഷിച്ചു നടക്കുംബോഴാണു തിരുവനന്തപുരത്തിന്റെ ഇതിഹാസം എന്ന പുസ്തകം കിട്ടുന്നത്. തിരുവനന്തപുരം നഗരത്തിലെ പട്ടം നിവാസിയായ ഗ്രന്‍ഥകാരന്‍ തിരുവനന്ത്പുരം , കന്യാകുമാരി ജില്ലകളില്‍പ്പെട്ട എല്ലാ പ്രധാന സ്ഥലങ്ങളെപ്പറ്റിയും ഇതില്‍ പ്രതിപാദിക്കുന്നുണ്ട്. അത് ഇപ്രകാരം :

ഇന്നത്തെ തിരുവനന്തപുരം ജില്ലയിലെ പൂവ്വാര്‍ മുതല്‍ കന്യാകുമാരി ജില്ലയിലെ തേങ്ങാപ്പട്ടണം വരെ ഉള്ള കടലോര പ്രദേശം കലിംഗരാജപുരം എന്ന പേരില്‍ അറിയപ്പെട്ടിരുന്നു.

കലിംഗ യുദ്ധത്തില്‍ പരാജയപ്പെട്ട ചില വംശജര്‍ ഇവിടെ വന്നു ചേര്‍ന്നു . ഇവിടത്തെ മഹരാജാവ് അവര്‍ക്ക് താമസിക്കാനുള്ള സ്ഥലം ഈ പ്രദേശത്തു അനുവദിച്ചു നല്‍കി. ഈ പ്രദേശം 'കലിംഗരാജപുരം' എന്ന പേരില്‍ അറിയപ്പെടാന്‍ തുടങ്ങി.

ഈ വംശജര്‍ തങ്ങളുടെ കുല ദൈവമായ കാളിയെ ആരാധിച്ചിരുന്നുവത്രെ. പിന്നീട് ഈ പ്രദേശത്ത് ഉണ്ടായ ശക്തമായ കടല്‍ ക്ഷോഭം കാരണം കലിംഗ രാജ്യ നിവാസികല്‍ നശിക്കുകയും ഈ പ്രദേശം മുഴുവന്‍ മണ്ണിനടിയില്‍ അകപ്പെടുകയും ചെയ്തു.

കൊല്ലങ്കോടിനടുത്തുള്ള ഒരു സ്ഥലം ഇപ്പോഴും കലിംഗരാജപുരം എന്നറിയപ്പെടുന്നുണ്ട്.
അവരുടെ കുല ദൈവമായിരുന്ന കാളിയാണു ഇപ്പോള്‍ കൊല്ലങ്കോട് വാണരുളുന്ന ശ്രീ ഭദ്രകാളി ദേവി എന്നും കഥയുണ്ട്.മണ്ണിനടിയില്‍ നിന്നു കുഴിചെടുത്തിട്ടുള്ള അനവധി ചരിത്ര രേഖകളും , ക്ഷേത്രങ്ങളും(കോതേശ്വരം ) ഈ വാദത്തെ ശരി വയ്ക്കുന്നു.

ഗവണ്മെന്റ് ഹയര്‍ സെക്കന്‍ഡറി സ്കൂള്‍ കൊല്ലങ്കോട് (Govt.H.S.S.Kollemcode)

2009-08-12T10:52:00.002+04:00

കൊല്ലങ്കോട്ടിലെ ഉന്നത നിലവാരം പുലര്‍ത്തുന്ന ഒരു ഹയര്‍ സെക്കന്‍ഡറി സ്കൂള്‍ആണ് ഗവണ്മെന്റ് ഹയര്‍ സെക്കന്‍ഡറി സ്കൂള്‍ (Govt.H.S.S.Kollemcode) . കൊല്ലങ്കോട് കന്നനാഗം ജംഗ്ഷനില്‍ നിന്നു നിദ്രവിള റോഡിലൂടെ ഒരു കി.മീ ദൂരംചെന്നാല്‍ കൊല്ലങ്കോട് വെങ്കഞ്ഞി മുടിപ്പുരയുടെയും ഇളംപാലമുക്ക് മഹാദേവക്ഷേതതിന്റെയും മധ്യത്തിലായി ഈ വിദ്യാലയം സ്ഥിതിചെയ്യുന്നു.കൊല്ലന്കോട്ടിലെ ഒരു പഴക്കമുള്ള വിദ്യാഭ്യാസ സ്ഥാപനംകൂടിയാണിത് . വര്‍ഷങ്ങള്‍ക്കു മുന്‍പ്‌ ഇതു ഇംഗ്ലീഷ് വിദ്യാലയം എന്ന പേരില്‍അറിയപ്പെട്ടിരുന്നു . അന്ന് കൊല്ലങ്കോട്ടിലെ , ഇംഗ്ലീഷ് മാധ്യമത്തില്‍ അദ്ധ്യയനംനടത്തിയിരുന്ന ഏക വിദ്യാലയവും ഇതായിരുന്നു . പിന്നീട് ഇത് Govt.H.S.S. ആയിപരിണമിച്ചു . ഇന്നു ഉന്നത സ്ഥാനങ്ങളില്‍ ജോലി നോക്കുന്ന പല പ്രഭത്ഗ്ഗരും ഈവിദ്യാലയത്തിലെ പൂര്‍വ വിദ്യാര്‍ഥികള്‍ ആയിരുന്നു എന്നത് തന്നെയാണ്ഇതിന്റെ മഹത്വവും . വളരെ സമര്‍ത്ഥരായ ഒരു കൂട്ടം ഗുരു ജനങ്ങളുടെ കഠിനശ്രമമാണ് ഈ വിദ്യാലയത്തെ ഇത്തരം ഉന്നത നിലവാരത്തില്‍ എത്തിച്ചത് . ഈവിദ്യാലയത്തിന്റെ വളര്‍ച്ചയില്‍ നാട്ടുകാര്‍ക്കുള്ള പങ്കും എടുത്തു പറയേണ്ട ഒന്നുതന്നെയാണ് . അദ്ധ്യാപക- രക്ഷകര്‍ത്ത സമിതി വളരെ നല്ല രീതിയിലാണ്‌ ഈവിദ്യാലയത്തില്‍ പ്രവര്‍ത്തിച്ച്‌ വരുന്നത്. ജില്ല നിലവാരത്തിലും സംസ്ഥാനനിലവാരത്തിലും മത്സരിച്ചിട്ടുള്ള അനവധി കായിക താരങ്ങളും ഈവിദ്യാലയത്തില്‍ ഉണ്ട്. മലയാളം , തമിഴ്‌ ,ഇംഗ്ലീഷ് മാധ്യമങ്ങളിലൂടെ ആണ് ഇന്നുഈ വിദ്യാലയത്തില്‍ അദ്ധ്യയനം നടത്തി വരുന്നത് .SSLC,HSC പരീക്ഷകളില്‍ ജില്ലനിലവാരത്തില്‍ മുന്നിലെത്തുന്ന നിരവധി വിദ്യാര്‍ഥികള്‍ ഈ വിദ്യാലയത്തില്‍ഉണ്ട് . NSS, NCC എന്നിവ എല്ലാം തന്നെ വളരെ നല്ല രീതിയില്‍ ഇവിടെ പ്രവര്‍ത്തിച്ചുവരുന്നു . ഈ വിദ്യാലയത്തിനു സമീപത്തായി ഒരു ഗവണ്മെന്റ് മിഡില്‍ സ്കൂളുംഉണ്ട് . കൊല്ലങ്കോട്ടില്‍ ഏകദേശം 15 ഓളം വിദ്യാലയങ്ങള്‍ പ്രവര്‍ത്തിക്കുന്നുണ്ട്എങ്കിലും ഈ വിദ്യാലയത്തിലും ആയിരത്തോളം വിദ്യാര്‍ഥികള്‍ പഠിക്കുന്നുണ്ട് . തൊട്ടടുത്ത ഗ്രാമങ്ങളില്‍ നിന്നും , അയല്‍ സംസ്ഥാനമായ കേരളത്തില്‍ നിന്നുംഅനവധി വിദ്യാര്‍ഥികള്‍ ഇവിടെ വന്നു പഠിക്കുന്നുണ്ട് . എല്ലാ വിഷയങ്ങളുംകൈകാര്യം ചെയ്യാന്‍ സമര്‍ത്ഥരായ അദ്ധ്യാപകരും ഈ വിദ്യാലയത്തില്‍ ഉണ്ട്. തമിഴ്നാട്ടിലെ അറിയപ്പെടുന്ന വിദ്യാലയങ്ങളില്‍ ഒന്നായി ഈ വിദ്യാലയവുംഇന്നു വളര്‍ന്നു കഴിഞ്ഞു .

(ഈ വിദ്യാലയത്തെ കുറിച്ചുള്ള എന്റെ വിവരണം അപൂര്‍ണമാണ് . ഇതിനെകുറിച്ചു നിങ്ങള്‍ക്ക് അറിയാവുന്ന കാര്യങ്ങള്‍ ഇതിന്റെ കമന്റ്‌ ആയോഅല്ലെങ്കില്‍ ഈ ബ്ലോഗിന്റെ ഗസ്റ്റ്‌ ബുക്കിലോ എഴുതുക -നന്ദി)

കൊല്ലങ്കോട്ടമ്മ

2009-08-07T17:36:00.000+04:00

കൊല്ലംകോട് ശ്രീ ഭദ്രകാളി ക്ഷേത്രം.കന്യാകുമാരി ജില്ലയിലെ കൊല്ലംകോട് എന്ന മനോഹരമായ കടലോര ഗ്രാമത്തിലാണ് ഈ ക്ഷേത്രം സ്ഥിതി ചെയ്യുന്നത് . ഭദ്രയായും രുദ്രയായും ദേവി ഇവിടെ കുടികൊള്ളുന്നു .ഉത്സവം നടത്തുവാനായി ഒരു പ്രതേകം ക്ഷേത്രം (വെന്കഞ്ഞി മുടിപ്പുര) കൂടെ ഇവിടെ ഉണ്ട് . തെക്കന്‍ കേരളത്തിന്റെ സാംസ്‌കാരിക പൈതൃകം വളരെ വ്യക്തമായി ദൃശ്യം ആകുന്ന തരത്തിലുള്ള ആചാരങ്ങളാണ്‌ ഇവിടെ നടന്നു വരുന്നത്‌.

കൊല്ലംകോട്‌ തൂക്ക മഹോത്സവം കാണാന്‍ ഇതില്‍ ക്ലിക് ചെയ്യുക

കൊല്ലങ്കോട് ക്ഷേത്രത്തെ കുറിച്ചും കൊല്ലങ്കോട്ടമ്മയെകുറിച്ചും കൂടുതല്‍ അറിയാന്‍ www.kollemcodeamma.blogspot.com സന്ദര്‍ശിക്കുക.

കൊടുങ്ങല്ലൂരില്‍ നിന്നും കന്യാകുമാരിദേവീ ക്ഷേത്രം സന്ദര്‍ശിക്കാന്‍ പോകുന്ന യാത്രക്കിടയില്‍ ഒരു ബ്രാഹ്മിണ തീര്‍ത്ഥാടകന്‍ വഴിമധ്യേ ഇവിടുത്തെ "പുരക്കല്‍ ഭവനം" എന്ന ഒരു വീട്ടില്‍ വിശ്രമിക്കാനിടയായി. ആ സമയത്ത്‌ ആ ഭവനത്തില്‍ ഉണ്ടായിരുന്നത്‌ ഒരേ ഒരു വൃദ്ധ സ്‌ത്രീയായിരുന്നു. അവള്‍ "ആനന്ദി" എന്നും "പൊന്നി" എന്നും പേരുള്ള രണ്ടു പരിചാരകരെ ഈ തീര്‍ത്ഥാടകനെ പരിചരിക്കാന്‍ നിയോഗിച്ചു. അവര്‍ അദ്ധേഹത്തെ പാരമ്പര്യമായ രീതിയില്‍ തന്നെ പാല്‍, പഴം, ഇളനീര്‍, അവല്‍ എന്നിവ നല്‍കി സംസ്കരിച്ചു. പണ്ഡിതനും, ജോത്സ്യനുമായ ആ ബ്രാഹ്മിണന്‍ ആ സ്‌ത്രീയോട്‌ അവര്‍ അപ്പോള്‍ ഗര്‍ഭിണിയാണെന്നും, അവള്‍ക്ക്‌ പിറക്കുന്ന ശിശു അമാനുഷിക കഴിവുകള്‍ ഉള്ളവനും, തികഞ്ഞ ബുദ്ധിശാലിയുമായിരിക്കും എന്നു പ്രവചിച്ചു. ഈ പ്രവചനം "ആദിമാര്‍ത്താണ്ടന്‍ അല്ലെങ്കില്‍ മാഹിമാര്‍ത്താണ്ടന്റെ" ജനനത്തിന്‌ വഴി തെളിച്ചു, കന്യാകുമാരി ദേവീ ക്ഷേത്രത്തില്‍ നിന്നും തിരിച്ചു വരുന്ന വഴിയില്‍ ഈ ബ്രാഹ്മണന്‍ തനിക്ക്‌ വിശ്രമസ്ഥലം തന്ന സ്‌ത്രീക്ക്‌ ഒരു അമൂല്യ ഗ്രന്ഥം സമ്മാനിച്ചു. അദ്ധേഹം "പുരക്കല്‍" -ലെ ഒരു കിണറ്റില്‍ "സാലഗ്രാമം" എന്ന ഈ ഗ്രന്ഥം നിക്ഷേപിക്കുകയും ഭാവിയില്‍ ഈ പ്രദേശം അനുഗ്രഹീതം ആകുമെന്ന് പ്രവചിക്കുകയും ചെയ്തു. പില്‍ക്കാലത്ത്‌ ഈ കിണറ്റില്‍ വെള്ളം കോരിക്കൊണ്ടിരുന്ന ഒരു സ്‌ത്രീക്ക്‌ ഈ പുസ്‌തകം ഒരു "പാക്ക്‌" -ന്റെ രൂപത്തില്‍ കിട്ടുകയും , ആ പാക്ക്‌ അവള്‍ മുറിക്കാന്‍ ശ്രമിച്ചപ്പോള്‍ അതില്‍ നിന്നും രക്തം വരുകയും ചെയ്തു. അതിനാന്‍ ദേവപ്രശ്നം വച്ചപ്പോള്‍, അ സ്‌ഥലത്ത്‌ ഭദ്രകാളിയുടെ പ്രസന്നം തെളിയുകയും, അവിടെ ഒരു ഭദ്രകാളീ ക്ഷേത്രം കെട്ടണം എന്നും നിര്‍ദ്ദേശിക്കപ്പെട്ടു. ഇന്ന് കാണുന്ന മൂലക്ഷേത്രമായ "പഴയ മുടിപ്പുര" എന്നറിയപ്പെടുന്ന കൊല്ലങ്കോട്‌ വട്ടവിള ഭദ്രകാളീ ക്ഷേത്രം ഇപ്രകാരമാണ്‌ ഉണ്ടായതെന്ന് ഐതിഹ്യം.
(കടപ്പാട് : വിക്കിപീഡിയ)

കൊല്ലങ്കോട് - വിവരണം-2

2009-08-06T00:45:00.000+04:00

കൊല്ലങ്കോട്ടിന്‍റ്റെ രാഷ്ടീയ ഘടന നോക്കുകയാണെങ്കില്‍ --
കൊല്ലങ്കോട് കന്യാകുമാരി ജില്ലയിലെ ഒരു നഗര പന്ചായത്താണ്. ഇതില്‍ 21 വാര്‍ഡുകള്‍ ഉള്‍പ്പെടുന്നു. ഊരംബ്,കാക്കവിള,കിരാത്തൂര്‍ ,വള്ളവിള,മാര്‍ത്താണ്ഡം തുറ,നീരോടി എന്നിവയാണു കൊല്ലങ്കോട്ടിന്‍റ്റെ അതിരുകള്‍ . ഭാരതീയ ജനതാ പാര്‍ട്ടി(BJP)-എ.ഐ.ഡി.എം .കെ സഖ്യമാണു ഇപ്പോള്‍ കൊല്ലങ്കോടു പന്ചായത്തു ഭരിക്കുന്നത്.എ.ഐ.ഡി.എം .കെയിലെ ശ്രീമാന്‍ .സ്റ്റീഫന്‍ പന്ചായത്തു പ്രസിഡന്‍റും ഭാരതീയ ജനതാ പാര്‍ട്ടിയിലെ ശ്രീമാന്‍ .പത്മകുമാര്‍ വൈസ് പ്രസിഡന്‍റുമാണ്. തമിഴ്നാട് ഗ്രാമമണെങ്കിലും ഇവിടത്തെ രാഷ്ട്രീയം കേരളത്തിലേതിനു സമാനമാണ്.
(തുടരും ....)

കൊല്ലങ്കോട് - വിവരണം-1

2009-07-31T20:55:00.000+04:00

തിരുവനന്തപുരം നഗരത്തില്‍ നിന്നും ഏകദേശം 35 കി.മീ അകലെയായിസ്ഥിതി ചെയ്യുന്ന ഒരു ചെറിയ ഗ്രാമമാണു കൊല്ലങ്കോട്. സംസ്ഥാന വിഭജനസമയത്തു ഇതു തിരുവിതാംകൂര്‍ സംസ്ഥാനത്തു നിന്നും അന്നത്തെ മദ്രാസ് സംസ്ഥാനത്തിന്റെ ഭാഗമാക്കപ്പെട്ടു. എങ്കിലും ഇന്നും ഭാഷാപരമായുംസാസ്കാരികപരമായും ഈ ഗ്രാമമുള്‍പ്പെടുന്ന ജില്ലയാകെ കേരളത്തിനൊടുസമാനമായി അനുവര്‍ത്തിക്കുന്നു. കന്യാകുമാരിയില്‍ നിന്നും ഏകദേശം 70 കി.മീ ദൂരം ചെല്ലണം കൊല്ലങ്കോടെത്താന്‍.
ഈ ഗ്രാമം കേരളവുമായി അതിര്‍ത്തി പങ്കു വയ്ക്കുന്ന തമിഴ്നാട് ഗ്രാമംഎന്ന പ്രത്യേകതയുമുണ്ട്. കൊല്ലങ്കോട്ടിന്റെ അതിര്‍ത്തികളില്‍ തെക്കുപടിഞ്ഞാറു അറബിക്കടലും ,വടക്കു ഭാഗത്തായി കേരളത്തില്‍ ഉള്പ്പെടുന്നകാരോട് ഗ്രാമവും ,മറ്റു വശങ്ങളില്‍ തമിഴ് ഗ്രാമങ്ങളായ ഏഴുദേശം ചൂഴാല്‍എന്നിവയുമാണ്.ഗ്രാമാതിര്‍ത്തിയില്‍ കൊല്ലങ്കോട്ടു സ്ഥിതി ചെയ്യുന്ന ഒരുപ്രധാന വ്യാപാര കേന്ദ്രമാണു ഊരംബ് . കേരള-തമിഴ്നാട് അതിര്‍ത്തിപ്രദേശം ആയതിനലാകാം ഇതിന് ഇത്രയും പ്രൌഡി കൈവന്നത് . ഇവിടെയാണ് കൊല്ലംകോട്ടിലെ പ്രധാന വ്യാപാര സ്ഥാപനമായ ഫാത്തിമ ട്രാഡേര്‍സ് സ്ഥിതി ചെയ്യുന്നത് .

കൊല്ലംകോട്ടിലെ പ്രധാന സ്ഥലമാണ്‌ കണ്ണനാഗം ജംഗ്ക്ഷന്‍ .
ഊരംബ് -പാറശ്ശാല ,പഴയ ഉച്ചക്കട ,നിദ്രവിള,മാര്‍ത്താണ്ഡം തുറ (കടല്‍) എന്നിവിടങ്ങളിലെക്കായി പോകുന്ന റോഡുകളുടെ ഒരു നാല്‍ക്കവലയാണ്കണ്ണനാഗം . കൊല്ലംകോട്ടിലെ രാഷ്ട്രീയ പ്രസ്ഥാനങ്ങളുടെയും
ആസ്ഥാനവും ഇവിടെയാണ് . ഇവിടെയും ധാരാളം വ്യാപാര സ്ഥാ‍പനങ്ങള്‍സ്ഥിതി ചെയ്യുന്നു . സ്റ്റേറ്റ് ബാങ്ക് ഓഫ് ട്രാവന്‍കൂറിന്റെ കൊല്ലംകോട്‌ ശാഖഇവിടെ കൂടുതല്‍ ജനത്തിരക്കുണ്ടാക്കുന്നു. കണ്ണനാഗത്തില്‍ നിന്നു ഓരോകിലോമീറ്റര്‍ ചുറ്റളവിലാണ് കൊല്ലംകോട്‌ വെങ്കഞ്ഞി-വട്ടവിള ക്ഷേത്രങ്ങള്‍ സ്ഥിതി ചെയ്യുന്നത് .

(തുടരും ...)

2009-07-28T16:24:00.000+04:00

കൊല്ലങ്കോട്ടിനെ കുറിച്ചുള്ള നിങ്ങളുടെ അഭിപ്രായങ്ങളും അതു പോലെ തന്നെ കൊല്ലങ്കോട്ടിനെ കുറിച്ചുള്ള നിങ്ങളുടെ വിലയേറിയ അറിവുകളും ഇവിടെ പങ്കു വയ്ക്കാം. നിങ്ങളുടെ നിര്‍ദ്ദേശങ്ങലൊക്കെ തുടര്‍ന്നുള്ള ഈ ബ്ലോഗിന്റെ വളര്‍ച്ചയില്‍ നിര്‍ണ്ണായക പങ്കു വഹിക്കും . കൊല്ലങ്കോട്ടിന്റെ ചരിത്രവും അതിന്റെ മഹത്വവും മറ്റുള്ളവരുമയി പങ്കു വയ്ക്കാനുള്ള എന്റെ ഈ എളിയ ഉദ്ദ്യമത്തില്‍ ഭാഗഭാക്കാകുവാന്‍ എല്ലാ കൊല്ലങ്കോട് സ്നേഹികളേയും സദരം ക്ഷണിച്ചു കൊള്ളുന്നു
സസ്നേഹം
j¡b¡J¦n®Xu

എന്റെ നാട്

2009-07-19T18:56:00.001+04:00

ശ്രീ ഭദ്രകാളി വാഴും കൊല്ലംകോട്
കന്നി മൂല കാക്കും അയ്യപ്പന്റെ മുപ്പുറം കാവ്
മേദിനിക്കു സാഗരം കന്തനായിത്തീരുമീ
പൊഴിയൂരില്‍ വാണരുളും ശ്രീ നീലകണ്ഠനും
ധര്‍മ്മ ശാസ്താവാണരുളും കുന്നിയോടു പാറയും
കാവിനുള്ളില്‍ ദേവതകള്‍ മേവിടുന്ന ചാത്തറയും
കരുംബനുടയാന്‍ കുഴിയില്‍ വാണരുളും ശ്രീ-
പത്മനാഭനെന്റെ നാടിനൈശ്വര്യമായി
(ശ്രീ ഭദ്രകാളി വാഴും...)
സാഗരത്തിന്‍ തീരദേശം പുണ്യമാക്കിടാന്‍
ശ്രീ രാജരാജേശ്വരിയും വാണരുളുന്നു
പുത്രിതന്‍ ചാരത്തായ് രുദ്രദേവനും
പരിലസിച്ചീടുന്നിളമ്ബാലമുക്കിലായ്
അയ്യവായി ദേവന്‍ വാഴുമം ബലങ്ങളും
അന്യമല്ല ഭദ്ര തന്‍ പുണ്യഭൂമിയില്‍
(ശ്രീ ഭദ്രകാളി വാഴും...)
നാഗദേവ പൂജ ചെയ്തു തിരി തെളിച്ചീടും
നാഗ രജാ വാണരുളുമയിത്തിക്കാവില്‍
ക്രിഷ്ണ ക്രീഡ ഭക്തിയോടെ കണ്ടുവണങ്ങുവാന്‍
ശ്രീക്രിഷ്ണപുരം ക്ഷ്ത്രവുമുണ്ടീ പുണ്യഭൂമിയില്‍

kollemcode

2009-07-04T20:11:00.000+04:00

Kollemcode is located north-west to Cape Comorin (Kanyakumari) and south-east to Trivandrum (capital of Kerala). It has around 1600 acres of harvest land, beautiful long beaches and a mountain on one side. Kollemcode is a gifted place to live. You can hear 'supprabatham' from a Temple,the bell from a Catholic church and 'Namas' from a Mosque in one place. Kollemcode is known for a union of religions. The 'Sarva Matha Samelanam' - Multi Religious union during the Thookam Festival is most famous for Religious Harmony.Kollemcode is a semi-urban mini town located at the South-West corner of Kanniyakumari District of Tamilnadu.Considerered to be a thickly populated place, Kollemcode is blessed with a lot of lush-vegetated areas surrounded by trees; most of them are coconut tree.

Kollemcode has even many peculiarities of having all kinds of people representing many different religions, castes and languages.Both Tamil and Malayalam are spoken by the people very commonly, as it is, in a way, most essentially needed for all to know both the languages.

Kollemcode is one of the highly literate town with more than 90% literacy.

http://en.wikipedia.org/wiki/Kollemcode